Ополе

Ополе (пол. Opole, сил. Uopole), 1945 йылға тиклем Оппельн (нем.Oppeln) — Польшала Одра йылғаһы буйындағы ҡала. Ополе воеводлығының баш ҡалаһы. Төбәктең мәҙәни (филармония, театр) һәм фәнни (университет, политехник институт) үҙәге.

Ополе Польшаның иң боронғо ҡалаларының береһе булып тора. Ҡала Үрге Силезия тарихи өлкәһендә урынлашҡан һәм Урта быуаттан алып XX быуатҡа тиклем уның баш ҡалаһы булған. Ополе тураһында тәүге тәүге тапҡыр 845 йылда телгә алына. Археологик ҡаҙыу мәғлүмәттәренә ярашлы, беренсе славян ултыраҡтары Острувекта — Одра йылғаһының уртаһында урынлашҡан Пасека утрауының төньяҡ өлөшөндә барлыҡҡа килгән.

1945 йылға тиклем ҡала Оппельн исеме аҫтында Германия составына ингән. 1945 йылдың 24 ғинуарында һөжүм итеүсе Беренсе Украина фронтының совет ғәскәрҙәре тарафынан яулап алына һәм һуңынан Потсдам конференцияһы ҡарары менән Польшаға тапшырыла.

Ополе университеты
Ополе политехник институты
Юғары банк мәктәбе
Идара һәм хакимиәт Юғары мәктәбе
Дәүләт медицина юғары профессиональ мәктәбе

Юзеф Эльснер исемендәге Ополе филармонияһы
Ян Кохановский исемендәге театр
А. Смолька исемендәге Ополе ҡурсаҡ һәм актёр театры.
Йыр яланында йыл һайын поляк йыры Фестивале

Ополе епархияһы

Ополе ауылы музейы

Ҡалала дүрт тимер юл станцияһы бар: Ополе-Төп, Ополе-Көнбайыш, Ополе-Көнсығыш, Ополе-Грошовице һәм ике станция пункты: Ополе-Гославицае һәм Ополе-Гротовице. Ҡала пассажирҙар транспорты автобустарҙан тора.