Хафизов Ринат Ҡасим улы
Ринат Ҡасим улы Хафизов (рус. Ринат Касимович Хафизов; 1961 йылдың 24 авгусы, Октябрьский, Башҡортостан Республикаhы — 1996 йылдың) — совет спортсыһы, спорт акробатикаһы буйынса СССР-ҙың халыҡ-ара класлы спорт мастеры, Европа чемпионы[1].
Биографияһы
Ринат Хафизов спорт акробатикаһы менән Октябрьский ҡалаһында Александр Громов етәкселегендә шөғөлләнә башлай. Һуңыраҡ Тольяттиға күсеп, Виталий Гройсман етәкселегендә күнегә[1][2].
1981 йылдың авгусында Николай Гусев, Сергей Макаров һәм Юрий Шохин менән бергә ирҙәр дүртлеге составында Тбилисила үткәрелгән ярышта СССР чемпионы була. 1982 йылдың февралендә шул уҡ состав РСФСР чемпионатында еңә[3].
1985 йылда Гусев, Александр Зеленко һәм Сергей Сафаниев менән бергә Германияның Аугсбург ҡалаһында спорт акробатикаһы буйынса Европа чемпионатында ҡатнаша. Ул Виталий Гройсмандың Европа чемпионы булған тәрбиәләнеүселәре иҫәбенә инә[2].
Хәтер
«Башинформ» мәғлүмәтенә ярашлы, спортсы һәләк булғандан һуң Александр Громов Октябрьский ҡалаһында уның иҫтәлегенә ярыштар үткәреү тәҡдиме менән сыға. 2014 йылға турнир бөтә Рәсәй кимәленә күтәрелә[1]. 2025 йылда Р. Хафизов иҫтәлегенә арналған бөтә Рәсәй ярыштары Тольятти ҡалаһында үтә[4].
Владислав Пашко 1984 йылда ижад иткән «Акробаты Тольятти» литографиялар серияһында Ринат Хафизов, Сергей Сафаниев, Николай Гусев һәм Александр Зеленконың төркөм портреты бар[2].
Иҫкәрмәләр
- ↑ 1 2 3 Алим Фаизов. В Октябрьском пройдёт Всероссийский турнир по спортивной акробатике. Башинформ (9 октябрь 2014). Мөрәжәғәт итеү датаһы: 24 сентябрь 2026.
- ↑ 1 2 3 Виртуальная выставка. Серия «Акробаты Тольятти» В. И. Пашко. Тольяттинский художественный музей. Мөрәжәғәт итеү датаһы: 24 сентябрь 2026.
- ↑ Из истории развития спорта в Ставрополе в 1930–1950 гг. Администрация городского округа Тольятти. Мөрәжәғәт итеү датаһы: 24 сентябрь 2026.
- ↑ Спортивная акробатика. ВС «Памяти МСМК Р. Хафизова» 2025. Федерация гимнастики России. Мөрәжәғәт итеү датаһы: 24 сентябрь 2026.