Шәфиев Фәрит Хажиғәле улы

Фәрит Хажиғәле улы Шәфиев 1930 йылдың 28 майында Башҡорт АССР-ының Стәрлетамаҡ контоны^[1] Яҡшембәт ауылында тыуған^[2].

1953 йылда Ермолаевка зооветтехникумын тамамлай^[3] һәм хеҙмәт эшмәкәрлеген Мәләүез районының Богородский ауылындағы ветеринария пункты мөдире булып башлай^[2].

1957 йылдан эшен үҙ һөнәре буйынса Мәләүез районының Мәжит Ғафури исемендәге колхозда дауам итә^[2].

1960 йылда ошо хужалыҡтың рәйесе итеп һайлана^[3] һәм был вазифала 1985 йылғаса эшләй. Был осорҙа колхоз игенселектә лә, малсылыҡта ла юғары уңыштарға өлгәшә:, мәҫәлән, иген культураларының уртаса уңышы гектарынан 25,2 центнер тәшкил итә, ә 1985 йылда — 34,2 центнер була. Һәр һыйырҙан йыллыҡ уртаса һауым 1984 йылда 3773 килограмға етә. Ошо ҡаҙаныштары өсөн башҡа алдынғылар менән бер рәттән колхоз етәксеһе Ленин (1985), Октябрь Революцияһы (1971) һәм ике Хеҙмәт Ҡыҙыл Байраҡ (1973, 1976) орденына лайыҡ була, 1981 йылда уға «Башҡорт АССР-ының атҡаҙанған ауыл хужалығы хеҙмәткәре» тигән маҡтаулы исем бирелә^[2].

1976 йылда ситтән тороп Башҡортостан ауыл хужалығы институтын тамамлай^[2].

• Хеҙмәтсәндәр һәм халыҡ депутаттарының бер нисә саҡырылыш район һәм ауыл советтары депутаты^[3];
• Мәжит Ғафури исемендәге колхоздың партия комитеты секретары^[3];
• XXXVII Башҡортостан өлкә партия конференцияһы делегаты (1984)^[3].

• Промышленный откорм крупного рогатого скота / Ф. Х. Шафеев, пред. колхоза им. Мажита Гафури Мелеузов. р-на БАССР ; (Лит. запись Ф. А. Комиссарова). — Уфа : Башк. кн. изд-во, 1973. — 46 с. : ил. : 20 см. Национальная электронная библиотека (рус.)  (Тикшерелеү көнө: 23 июнь 2025).

• Ленин ордены (1985)^[2];
• Октябрь Революцияһы ордены (1971)^[2];
• ике Хеҙмәт Ҡыҙыл Байраҡ ордены (1973, 1976)^[2];
• Башҡорт АССР-ының атҡаҙанған ауыл хужалығы хеҙмәткәре (1981)^[2];
• «Өлгөлө хеҙмәт өсөн» миҙалы^[3];
• «Маҡтаулы хеҙмәте өсөн. В. И. Лениндың тыуыуына 100 йыл тулыу уңайынан» юбилей миҙалы (1971)^[3];
• СССР Халыҡ хужалығы ҡаҙаныштары күргәҙмәһе миҙалдары^[3].