Ырғыҙлы мәктәбе
Ырғыҙлы мәктәбе — Башҡортостан Республикаһы Бөрйән районы Ырғыҙлы ауыл Советы биләмәһенә ҡараған Ырғыҙлы ауылындағы уҡыу йорто.
Тарихы
Ирғыҙлы ауылында беренсе мәктәпкә 1911 йылда нигеҙ һалына, уҡыу осоро — 2 йыл. Унда яҡын-тирәләге ауылдарҙан һәм утарҙарҙан балалар ҙа уҡыған. Тәүге уҡытыусылары — С. П. Морозов, Мочалов, Рассадников, П. Н. Якушин. 1934 йылдан алып башланғыс, 1952 й. — тулы булмаған урта (ете йыллыҡ, 1959 й. — һигеҙ йыллыҡ) мәктәп. 1968 йылда урта мәктәп итеп үҙгәртелә.
- Филиалдары
Ырғыҙлы мәктәбе ихатаһында Бөйөк Ватан һуғышында ҡатнашыусыларға обелиск асылған.
Етәкселәре
- Нуротҡолов Ильяс Һатыбал улы. Бөрйән районы
- Ғәлина (Сәйфуллина) Лилия Миңлеғәле ҡыҙы
- Ноғоманова (Мырҙағолова) Нәйлә Фәрхитдин ҡыҙы.
- Ғазина Айгөл Султан ҡыҙы. 1977 йылдың 17 октябрендә Бөрйән районының Яңы Монасип ауылында тыуған.
1983-1990 йылдарҙа Тимер урта мәктәбендә белем ала. 1990-1991 йылдарҙа Иҫке Собханғол мәктәбендә белем ала. 1992-1994 йылдарҙа Рәми Ғарипов исемендәге 1-се башҡорт республика гимназия-интернатында белем ала. 1994-1999 БДУ Сибай филиалында уҡый. 1999 - 2006 йылдарҙа Ғәлиәкбәр урта белем биреү мәктәбендә инглиз теленән уҡыта. 2006-2015 йылдарҙа Ҡотан дөйөм белем биреү мәктәбендә эшләй.2015 йылдан Ырғыҙлы дөйөм белем биреү мәктәбендә эшләй.
Уҡытыусылары
- Вәлиуллин Ғәли Фәйзрахман улы - (1968—1969 йылдар)
Уҡытыусы һөнәрен һайлаусы уҡыусылары
Мәктәпте тамамлаусы билдәле шәхестәр
- Исҡужин Рәмил Кәбир улы (5.03.1958), ғалим-хоҡуҡ белгесе, дәүләт һәм йәмәғәт эшмәкәре. 2007—2011 йылдарҙа Рәсәй Федерацияһы Федераль Йыйылышының бишенсе саҡырылыш Дәүләт Думаһы депутаты. Юридик фәндәр кандидаты. Рәсәй Федерацияһы прокуратураһының почётлы хеҙмәткәре. Башҡортостан Республикаһының атҡаҙанған юрисы. Салауат Юлаев ордены кавалеры.
- Шафиҡова Әминә Ивний ҡыҙы (24.03.1974), дәүләт эшмәкәре, музыкант-пианист. 2012 йылдың ноябренән Башҡортостан Республикаһының мәҙәниәт министры. Башҡортостандың атҡаҙанған артисы (2002) һәм Шәйехзада Бабич исемендәге йәштәр дәүләт премияһы лауреаты (2005).
- Михаил Николаевич Косарев (8 август 1957 йыл) — «Шүлгәнташ» дәүләт тәбиғәт ҡурсаулығы директоры, Рәсәй Федерацияһының атҡаҙанған экологы (2018), Башҡортостан Республикаһының атҡаҙанған урмансыһы, ауыл хужалығы фәндәре кандидаты
Мәктәп тураһында матбуғатта
Сығанаҡтар
- Бурзянская энциклопедия[1]
Иҫкәрмәләр
- ↑ Иргизлинская средняя школа // Бурзянская энциклопедия / гл. ред. Г. М. Манапов. — Уфа: НИК «Башҡорт энциклопедияһы» ғилми-нәшриәт комплексы, 2022. — С. 226. — 640 с. — ISBN 978-5-88185-512-2.