Яубаҫарова Минниса Әхмәҙулла ҡыҙы
Яубаҫарова Минниса Әхмәҙулла ҡыҙы (25 декабрь 1948 йыл) — һауынсы, Башҡортостан Республикаһының атҡаҙанған ауыл хужалығы хеҙмәткәре
Биографияһы
Минниса Әхмәҙулла ҡыҙы Яубаҫарова (Аҫылғужина) 1948 йылдың 25 декабрендә Башҡорт АССР-ының Мәләүез районы Ҡотлобулат ауылында тыуған. 1952 йылда атаһы (сығышы Үрге Нөгөш ауылынан) тыуған яғына — Бөрйән районы Ғәлиәкбәр ауылына күсеп ҡайта. Ғәлиәкбәр мәктәбендә уҡый.
Минниса Әхмәҙулла ҡыҙы Тимер ауылына тормошҡа сыға һәм 1967—2003 йылдарҙа Бөрйән районының «Ҡыҙыл таң» колхозында һауынсы булып эшләй. Ул 20-се саҡырылыш район Советына депутаты итеп һайлана.
Маҡтаулы исемдәре һәм бүләктәре
- Башҡортостан Республикаһының атҡаҙанған ауыл хужалығы хеҙмәткәре (1995)
- Хеҙмәт ветераны (2002)
Сығанаҡтар
Бурзянская энциклопедия / гл. ред. Г. М. Манапов. — Уфа: НИК «Башҡорт энциклопедияһы» ғилми-нәшриәт комплексы, 2022. — 640 с. — ISBN 978-5-88185-512-2.