Ғәҙелшин Шәрифйән Хәйбрахман улы

Шәрифйән Хәйбрахман улы Ғәҙелшин 1921 йылда Баймаҡ районы Үрге Мәмбәт ауылында тыуған.

1930—1934 йылдар — Башҡорт АССР-ының Баймаҡ районы Ярат башланғыс мәктәбендә уҡый.

1935 йыл — Башҡорт АССР-ының Баймаҡ районы 1-се Этҡол мәктәбенең 7 сығарылыш класы уҡыусыһы.

1935—1939 йылдар — Темәс педагогия училищеһы. 1937—1940 йылдар — ВЛКСМ ағзаһы.

1939—1940 йылдар — Башҡорт АССР-ының Йомағужа районы Аптраҡ ете йыллыҡ мәктәбенең башҡорт теле һәм әҙәбиәте, физика һәм физкультура уҡытыусыһы.

1940 йылдың марты — Эшсе-Крәҫтиән Ҡыҙыл Армияһы сафына саҡырыла.

1941—1945 йылдар — Бөйөк Ватан һуғышында ҡатнаша. 1942 йылда КПСС сафтарына алына.

1944—1945 йылдар — Фридрих Энгельс исемендәге Ленинград хәрби-сәйәси училищеһы курсанты.

1945 йылдың декабрендә демобилизациялана, хәрби дәрәжәһе — запастағы капитан.

1946 йылдың 15 ғинуары — 1947 йылдың 15 авгусы — Башҡорт АССР-ының Баймаҡ районы Торф ауыл мәктәбендә тарих фәнен уҡыта. 1946 йылдың мартында өйләнә.

1947 йылдың 15 авгусы — 1948 йылдың 15 авгусы — Башҡорт АССР-ының Баймаҡ районы Юлыҡ ете йыллыҡ мәктәбендә география һәм физкультура уҡытыусыһы.

1948 йылдың 15 авгусы — 1951 йылдың 1 авгусы — Башҡорт АССР-ының Баймаҡ районы Ярат мәктәбе мөдире.

1951 йылдың 1 авгусы — 1953 йылдың 15 ноябре — Башҡорт АССР-ының Баймаҡ районы Ишмырҙа ете йыллыҡ мәктәбе директоры.

1953 йылдың 15 ноябре — 1956 йылдың 30 октябре — Башҡорт АССР-ының Баймаҡ районы Сибай МТС-ы партия бюроһы секретары.

1956 йылдың 30 октябре — 1957 йылдың 4 июне — Сибай МТС-ы зонаһы буйынса КПСС-тың Баймаҡ районы комитеты секретары.

1957 йылдың 4 июне — 1957 йылдың 25 ноябре — Башҡорт АССР-ының Баймаҡ районы Сибай совхозы партия комитеты секретары.

1957 йылдың 25 ноябре — 1963 йылдың 1 авгусы — Башҡорт АССР-ының Баймаҡ районы Темәс мәктәп-интернаты директоры.

1963 йылдың 1 авгусы — 1968 йылдың 15 авгусы — Башҡорт АССР-ының Баймаҡ районы Аҡморон һигеҙ йыллыҡ мәктәбе директоры.

1968 йылдың 6 майы — 1969 йылдың 15 авгусы — Башҡорт АССР-ының Баймаҡ районы Аҡморон һигеҙ йыллыҡ мәктәбенең тарих уҡытыусыһы.

1969 йылдың 15 авгусы — 1977 йылдың 27 октябре — Башҡорт АССР-ының Баймаҡ районы Ҡаратал һигеҙ йыллыҡ мәктәбе директоры.

1977 йылдың 27 октябре — 1981 йыл — Йылайыр ауыл хужалығы техникумының тарих преподавателе.

1981—1995 йылдар — Башҡортостан Республикаһының Баймаҡ районы «Йылайыр» совхоз-техникумының Ветерандар советы рәйесе.

2012 йылдың 20 авгусында вафат була^[1][2].

• I дәрәжә Ватан һуғышы ордены (1985)
• «1941—1945 йылдарҙағы Бөйөк Ватан һуғышында Германияны еңгән өсөн» миҙалы (1945)
• «Сиҙәм ерҙәрҙе үҙләштергән өсөн» миҙалы (1956)
• Бөтә Союз ауыл хужалығы күргәҙмәһендә ҡатнашыусы миҙалы (ВСХВ) (1957)
• «1941—1945 йылдарҙағы Бөйөк Ватан һуғышында еңеүгә 20 йыл» юбилей миҙалы (1966)
• «1941—1945 йылдарҙағы Бөйөк Ватан һуғышында еңеүгә 30 йыл» (1975)
• «СССР Ҡораллы көстәренә 70 йыл» (1978) юбилей миҙалы
• «Жуков миҙалы» дәүләт наградаһы (1995)^[1][3].