Ҡаһарманова Фәүзиә Ҡаһарман ҡыҙы

Фәүзиә Ҡаһарман ҡыҙы Ҡаһарманова 1914 йылдың 14 декабрендә хәҙерге Башҡортостан Республикаһының Дүртөйлө районы Мәскәү ауылында тыуған^[2].

1934 йылда Дүртөйлө МТС-ы ҡарамағындағы тракторсылар курсын, 1940 йылда Өфө ауыл хужалығы техникумын тамамлай^[2].

1930—1933 йылдарҙа Мәскәү ауылындағы дауаханала санитарка булып эшләй^[2].

1934 йылдан — Дүртөйлө МТС-ының тракторсы өйрәнсеге, тракторсыһы^[2].

1935 йылда Мәскәүҙә үткәрелгән Бөтә Союз производство алдынғылары кәңәшмәһендә ҡатнаша^[2].

1938 йылдан — Өфө ауыл хужалығы техникумы уҡыусыһы^[2].

1940 йылдан — Дүртөйлө МТС-ы агрономы^[2].

1942—1950 йылдарҙа Дүртөйлө МТС-ының комсомол йәштәр ҡатын-ҡыҙ тракторсылар бригадаһы етәксеһе^[1][2].

1942 йылда Фәүзиә Ҡаһарманова бригадаһы артабан районда һәм республикала киң танылыу алған һәм таралған «Фронт гектарҙары» хәрәкәтенең инициаторы була: яғыулыҡты, запас частарҙы һәм натураль түләүҙе экономиялау иҫәбенә бригада 27 гектар ҡалдау ерҙе һөрөп-сәсә, унда башлыса ҡул менән агротехник эштәрҙең бөтә комплексын үткәреп, үҙаллы тары үҫтерә һәм майҙандың һәр гектарынан 13 центнер юғары сифатлы уңыш йыйып ала, дәүләткә 300 центнерға яҡын ашлыҡ тапшыра^[1][2].

ВЛКСМ-дың Башҡортостан өлкә комитеты ойошторған социалистик ярыш һөҙөмтәләре буйынса ҡатын-ҡыҙҙарҙың комсомол йәштәр бригадаһы республикала еңеүсе була, СССР буйынса 2-се урынды ала. Фәүзиә Ҡаһарманова Ленин орденына лайыҡ була, бригадаға ВЛКСМ Үҙәк Комитеты һәм СССР Игенселек халыҡ комиссариатының күсмә Ҡыҙыл байрағы тапшырыла^[1].

• Ленин ордены (1942) ^[1]
• «Почёт Билдәһе» ордены (1935)^[1]
• «1941—1945 йылдарҙағы Бөйөк Ватан һуғышында күрһәткән фиҙаҡәр хеҙмәт өсөн» миҙалы ^[2]

• Дүртөйлө ҡалаһы урамына Фәүзиә Ҡаһарманова исеме бирелгән^[3][2].