Үрге Нөгөш мәктәбе

Үрге Нөгөш мәктәбе 1931 йылда мәсет бинаһында асыла. Беренсе уҡытыусы — З. Юлдашев. Бөйөк Ватан һуғышы йылдарында Ҡаһарманов А. А. уҡыта. 2000 йылда яңы бина төҙөлә. 2018 йылдан алып Иҫке Собханғол мәктәбенең филиалы.

• Ураҙаев Хәмит Сәйетғәле улы (1961—1963)Уразаев Хамит Саитгалиевич // Бурзянская энциклопедия / гл. ред. Г. М. Манапов. — Уфа: НИК «Башҡорт энциклопедияһы» ғилми-нәшриәт комплексы, 2022. — С. 524. — 640 с. — ISBN 978-5-88185-512-2.
• Аҫылғужин Фәйзрахман Хәйбрахман улы 1947 йылдың 1 мартында Бөрйән районы Үрге Нөгөш ауылында тыуған. Ул 1 — 4 кластарҙы тыуған ауылында, 4 — 6 кластарҙа — Ғәлиәкбәр мәктәбендә уҡый. Иҫке Собханғол мәктәбен 1965 йылда тамамлай.
  

Хеҙмәт юлын Берәтәк мәктәбендә башлай. Унан һуң ике йыл Үрге Нөгөш, өс йыл — Мәндәғол мәктәптәрендә уҡыта. 1970 йылда ситтән тороп Белорет педагогия училищеһын тамамлай. 1974 йылдан алып хаҡлы ялға сыҡҡансы Мораҙым мәктәбендә эшләй. 18 йыл мәктәп директоры була. Хеҙмәт стажы — 42 йыл. Ул — хеҙмәт ветераны.

• Аҫылғужина (Сәйетбатталова) Сәриә Мансур ҡыҙы Иҫке Собханғол ауылында тыуған. Иҫке Собханғол мәктәбен 1965 йылда тамамлай. Хеҙмәт юлы тормош иптәше Аҫылғужин Фәйзрахман Хәйбрахман улы менән бәйле. 1971 йылда ситтән тороп Белорет педагогия училищеһын тамамлай. Хеҙмәт стажы — 38 йыл. Ул — хеҙмәт ветераны, Башҡортостан Республикаһының мәғариф алдынғыһы.
• Хәлилов Самат — Яңы Собханғол ауылынан (1963 — ??)
• Әхмәҙиева Шәһүрә Шәкир ҡыҙы
• Аҫылғужина (Хәйруллина) Зәкирә Шәһитулла ҡыҙы — Белорет районы Ҡолғона ауылынан. Үрге Нөгөш ауылына 1972 йылда уҡытырға килә. 1977 йылдан Ғәлиәкбәр ауылында йәшәй. Ғәлиәкбәр мәктәбендә интернатта, китапханала эшләй, башланғыс кластарҙы уҡыта.
• Толомғужина Айһылыу Басир ҡыҙы.
• Бикишева Рәхимә Әбдрәхим ҡыҙы — Үрге Нөгөш ауылынан
• Аҫылғужина Айгөл Фәйзрахман ҡыҙы — Мораҙым ауылынан
• Аҫылғужина Динә Мырҙабай ҡыҙы — Яңы Мөсәт ауылынан

• Ишкинина (Иҫәнаманова) Светлана Сабирйән ҡыҙы — Яңы Мөсәт мәктәбендә эшләй