Ән-Наср сүрәһе
Ән-Наср сүрәһе (ғәр. سورة النصر) (Ярҙам) - Ҡөрьән Кәримдең 110-сы сүрәһе, 3 аяттан тора. Сүрәлә Мәккәне яулап алыу тураһында һүҙ бара. Мәккәгә мосолмандарҙың баҫып инеүе ҡөрәйештәрҙең Хоҙайбиә килешеүен боҙоуы арҡаһында килеп сыға. Ҡөрәйештәр Пәйғәмбәр менән килешеү төҙөгән ырыуға һөжүм итә. Пәйғәмбәр ғ.с. 10 мең ғәскәр туплай һәм ярҙамға ашыға, Мәккәгә йүнәлә. Был Һижрәнең 8-се йылында , Рамаҙан айында була (м. 630 йылдың декабре). Мәккә һуғышһыҙ баш һала. Шул рәүешле мосолмандар, ҡан ҡойошһоҙ һәм яуһыҙ ғына, Ислам тарихында иң ҙур еңеүгә өлгәшә. Мәккәне алыу бик ҙур дини һәм сәйәси әһәмиәткә эйә була.
Ғәрәпсәһе
بِسۡمِ اللّٰہِ الرَّحۡمٰنِ الرَّحِیۡمِ
- اِذَا جَآءَ نَصۡرُ اللّٰہِ وَ الۡفَتۡحُ
- وَ رَاَیۡتَ النَّاسَ یَدۡخُلُوۡنَ فِیۡ دِیۡنِ اللّٰہِ اَفۡوَاجًا
- فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابً
Транскрипцияһы
Бисми-лләһи-ррәхмани-ррәхим!
- Иҙәә джәәә нәсру-ллаһи үәл-фәтх.
- Үә раьәйтә-ннәәсә йәдхулүүнә фии диини-лләһи әфуәджә
- фәсәббих бихәмди раббикә үәстәғфирһү иннәһу кәәнә тәүүәәбә
Тәржемә
Бисми-лләһи-ррәхмани-ррәхим!
- Әгәр ҙә һиңә вәғәҙә ителгән ярҙам килһә Ислам әһеле күп ҡалаларға өҫтөн булып , уларҙы үҙ ҡулы аҫтына алһа,
- Һин кешеләрҙең Ислам диненә төркөм-төркөм булып ингәндәрен күрерһең
- Һин Раббыңды маҡтап тәсбих әйт. Дөрөҫлөктә, Аллаһы тәғәлә ғәфү һораусыларҙың тәүбәләрен ҡабул итеүсе булды
Һылтанмалар
- СУРА 110. ПOMOЩЬ 2012 йылдың 25 май көнөндә архивланған.
- 110 сура (Ан-Наср) на арабском и в переводах на русский язык
- Сура 110 АН-НАСР в Исламской энциклопедии
Әҙәбиәт
- Ҡөрьән Кәрим – башҡорт, татар, урыҫ телдәренә тәржемәләр.
- Ҡөрьән Кәрим (транскрипциялар) //мөх. Нурмөхәмәт Сөйәрғолов // - Стәрлетамаҡ, ҡала типографияһы, 2007,609 бит.
- Тәсһилүл бәйән (Ҡөрьән Кәримдең еңеләйтелгән аңлатмаһы), 1-4 томдар – Ҡазан, 2004
