Әхтәмов Кинйәғәли Ғәлләм улы

Әхтәмов Кинйәғәли Ғәлләм улы (1909 йыл Башҡортостан Республикаһы Матрай районы (хәҙерге Йылайыр районы) — ?) — 112-се Башҡорт кавалерия дивизияһы яугиры, гвардия старшинаһы, «Батырлыҡ өсөн» миҙалы (СССР) (1944), һәм Ҡыҙыл Йондоҙ ордены кавалеры^[1]^[2].

Әхтәмов Кинйәғәли Ғәлләм улы 1909 йылда Башҡорт АССР-ының Матрай районында, хәҙерге Башҡортостан Республикаһының Йылайыр районында тыуған^[1]. Ҡыҙыл Армия сафына 1941 йылдың 5 авгусында Матрай район хәрби комиссариаты тарафынан саҡырыла^[2]. 7 гвардия кавалерия корпусының 16-сы гвардия кавалерия дивизияһы 148-се гвардия артиллерия-миномент полкында хеҙмәт итә^[1].

Бөйөк Ватан һуғышында күрһәткән батырлығы өсөн 1944 йылдың 8 авгусында «Батырлыҡ өсөн» миҙалына (7 гвардия кавалерия корпусының 16-сы гвардия кавалерия дивизияһы 148-се гвардия артиллерия-миномент полкы буйынса 1944 йылдың 8 авгусындағы 8/н номерлы приказы) лайыҡ була^[1]. Наградлау ҡағыҙында уның ҡаһарманлығы тураһында ошондай юлдар яҙылған:

СССР Юғары Советы Президиумы исеменән «Батырлыҡ өсөн» миҙалы менән бүләкләргә:

1. Хәрби туҡланыу шоферы, гвардия старшинаһы Әхтәмов Кинйәғәли Ғәлләм улын Навуз ауылынан Люблин ҡалаһына тиклем марш ваҡытында автомашинаһының аварияға осрау һәм ватылыу осраҡтары булмағаны өсөн. 1909 йылғы, башҡорт, ВЛКСМ ағзаһы^[1].