Амангилде Иҫәрғәпов
| Амангилде Иҫәрғәпов | |
|---|---|
| Тыуған көнө | 1781 |
| Тыуған урыны | Ырымбур губернаһы, Яйыҡ-Ҫыбы-Мең улусы, Туҡтар ауылы |
| Вафат булған көнө | билдәһеҙ |
| Вафат булған урыны | билдәһеҙ |
| Хеҙмәт иткән урыны |
 Рәсәй империяһы |
| Хеҙмәт итеү йылдары |
|
| Хәрби звание | Зауряд-сотник |
| Хәрби алыш/һуғыштар |
1812 йылғы Ватан һуғышы, Рус армияһының сит илгә походтары (1813—1814) |
Амангилде Иҫәрғәпов (1781—?) — хәрби эшмәкәр. 1812 йылғы Ватан һуғышында һәм Рус армияһының сит илгә 1813—1814 йылдарҙағы походтарында ҡатнашыусы.
Биографияһы
Амангилде Иҫәрғәпов Ырымбур губернаһы Яйыҡ-Ҫыбы-Мең улусы (хәҙерге Башҡортостан Республикаһының Әлшәй районы) Туҡтар ауылында йәшәгән. Зауряд-сотник булып хеҙмәт итә[1].
1812 йылғы Ватан һуғышы башланғас, 1814 йылдың аҙағына тиклем 13-сө Башҡорт атлы полкы составында француздарға ҡаршы алыштарҙа ҡатнаша. 13-сө Башҡорт атлы полкы 12-се һәм 7-се кантон башҡорттарынан ойошторола һәм 1812 йылдың 22 октябрендә Түбәнге Новгородҡа бара[2]. 1813 йылдың майында Түбәнге Новгород ополчениеһы менән бергә Варшава герцоглығына килә һәм Польша армияһы составына керә. 1813 йылдың 5 авгусынан Глогауҙы блокадалауҙа ҡатнаша һәм ҡәлғә бирелгәнсе уның составында һуғыша[2]. 1814 йылдың 19 мартында союздаш ғәскәрҙәре составында 13-сө Башҡорт атлы полкы Парижға инә.
Бүләктәре
- «1812 йылғы һуғыш иҫтәлегенә» көмөш миҙалы кавалеры
Иҫкәрмәләр
- ↑ Гатиятуллин З. Г. Башкиры 12-го кантона в Отечественной войне 1812 г // Ватандаш : журнал. — 2013. — № 12. — ISSN 1683-3554.
- ↑ 1 2 Рахимов Р. Н., 2012, с. 401
Әҙәбиәт
- Асфатуллин С. Г. Северные амуры в Отечественной войне 1812 года. — Уфа: Уфимский полиграфкомбинат, 2000. — 160 с. — ISBN 5-85051-181-4.
- Вклад Башкирии в победу России в Отечественной войне 1812 года. Сборник документов и материалов / сост. Р. Н. Рахимов [и др.]. — Уфа: Китап, 2012. — 488 с. — ISBN 978-5-295-05476-1.
- Усманов А. Н. Башкирский народ в Отечественной войне 1812 года. — Уфа: Башкнигоиздат, 1964. — 136 с.