Рус телендәге версияМахсус проекттар
Күренеште көйләргәТелде алмаштырырғаМәғлүмәт
РУВИКИ ТУРАҺЫНДА

Атайсал (гәзит)

«Атайсал» (рус. Атайсал, газета) — Башҡортостандың Сибай ҡалаһында башҡорт телендә нәшер ителгән ижтимағи-сәйәси гәзит. 1990 йылда «Йәншишмә» исеме менән сыға башлай, 1991 йылдан хәҙерге атамаһында үҙ аллы баҫма булараҡ нәшер ителә[1]. Хәҙер аҙнаһына бер тапҡыр, йома көнө, А3 форматында һигеҙ битле булып сыға[2].

Тарихы

Баҫма 1990 йылда «Сибайский рабочий» гәзитенең башҡортса ҡушымтаһы булараҡ «Йәншишмә» исеме менән ойошторола. 1991 йылда айырым гәзиткә әйләнә һәм «Атайсал» тип атала[1].

Элекке белешмә мәғлүмәттәрендә гәзиттең ойоштороусылары итеп Башҡортостан Республикаһының Матбуғат һәм киң мәғлүмәт саралары агентлығы һәм «“Атайсал” гәзите редакцияһы» ҡаҙна предприятиеһы күрһәтелгән. Шул белешмәлә баҫманың аҙнаһына ике тапҡыр сығыуы теркәлгән[1]. Хәҙерге нәшриәт каталогында аҙналыҡ сығыу тәртибе күрһәтелә[2].

Йөкмәткеһе һәм таралыуы

Гёзит Сибай һәм Баймаҡ ҡалаларында, Баймаҡ, Хәйбулла Һәм Йылайыр райондарындп тпрптыла. Рәсми сайтында урындағы яңылыҡтар, йәмәғәт тормошо, сәйәсәт, мәҙәниәт, әҙәбиәт, экология, тәрбиә һәм һаулыҡ һаҡлау тураһында материалдар баҫыла[3].

Баҫмала һәм уның сайтында «Әҙәби мөхит», «Нисек йәшәйһең, ауыл?», «Ҡоролтай тауышы», «Бер фото тарихы», «Телгенәм — бергенәм», «Гәзит уҡыусылар ижады», «Хужабикәгә» һәм башҡа рубрикалар ҡулланыла[3].

Нәшриәт каталогында гәзиттең яҙылыу индексы 50629, «ПОЧТА.РУ» индексы ПО586 тип күрһәтелгән. Уҡыусыларға баҫманың ҡағыҙ һәм электрон версиялары тәҡдим ителә[2].

Редакция тарихынан

1996—2001 йылдарҙа «Атайсал» гәзитенең баш мөхәррире яҙыусы һәм журналист Зөһрә Хәдит ҡыҙы Фәйзуллина була[4].

2010 йылда баш мөхәррир вазифаһына яҙыусы Хәйҙәр Ниғмәт улы Тапаҡов килә[5].

Рамазан Өмөтбаев премияһы

2000 йылда булдырылған Рамазан Өмөтбаев исемендәге Сибай ҡалаһы премияһы «Атайсал» гәзите премияһы булараҡ та билдәле. Уның ойоштороусыһы — Сибай ҡалаһы хакимиәте. Премия әҙәбиәт, публицистика, мәғариф һәм сәнғәт өлкәһендәге эшмәкәрлек өсөн бирелә[6].

Иҫкәрмәләр

  1. ↑ 1 2 3 Атайсал, газета (1990). Литературная карта Республики Башкортостан. Мөрәжәғәт итеү датаһы: 4 октябрь 2026.
  2. ↑ 1 2 3 Атайсал. Издательский дом «Республика Башкортостан». Мөрәжәғәт итеү датаһы: 4 октябрь 2026.
  3. ↑ 1 2 Атайсал гәзите: Сибай, Баймаҡ, Хәйбулла, Йылайыр (башҡ.). Атайсал. Мөрәжәғәт итеү датаһы: 4 октябрь 2026.
  4. ↑ Файзуллина Зухра Хадитовна (1946—2020). Литературная карта Республики Башкортостан. Мөрәжәғәт итеү датаһы: 4 октябрь 2026.
  5. ↑ Тапаков Хайдар Нигаматович (1955). Литературная карта Республики Башкортостан. Мөрәжәғәт итеү датаһы: 4 октябрь 2026.
  6. ↑ Премия имени Рамазана Уметбаева (2000). Литературная карта Республики Башкортостан. Мөрәжәғәт итеү датаһы: 4 октябрь 2026.

Һылтанмалар

Категориялар