Афиногенов Денис Александрович

Дени́с Алекса́ндрович Афиноге́нов 1974 йылдың 15 мартында Башҡорт АССР-ының Өфө ҡалаһында тыуа. Өфө хоккейы, «Салауат Юлаев» СДЮСШОР-ы тәрбиәләнеүсеһе^[2]. 1992 йылдан 1997 йылға тиклем «Салауат Юлаев» өсөн сығыш яһай. 1997 йылда Рәсәй йыйылма командаһы өсөн донъя чемпионатында 9 матч уйнай, 1 гол индерә һәм 1 һөҙөмтәле пас бирә. 2004 йылда Омскиҙың "Авангард"ы составында ил чемпионы була. Карьераһын 2007/2008 йылдар миҙгелендә Нефтекаманың «Торос» клубында тамамлай. 2016 йылдың яҙында тыуған Өфөһөнөң «Ағиҙел» ҡатын-ҡыҙҙар хоккей клубын етәкләй, уның менән өс тапҡыр ҠҠХЛ кубогын яулай^[3]. 2021/2022 йылдар миҙгелендә «Ағиҙел» плей-офтан төшөп ҡалғас, команданан «Белые медведицы» клубына күсә^[3].

Хоккейсы ҡаҙаныштары

• Халыҡ-ара хоккей федерацияһы кубогы еңеүсеһе (1994);
• Халыҡ-ара хоккей федерацияһы кубогы бронза призеры (1995);
• МХЛ чемпионатының бронза призеры (1994/95 һәм 1995/96 миҙгелдәре);
• Рәсәй чемпионатының бронза призеры (1996/97);
• «Известия» гәзите призы турниры еңеүсеһе (1995);
• Көмөш миҙал яулаусы (1996);
• Донъя чемпионатында ҡатнашыусы, 4-се урынды яулай (1997);
• Рәсәй чемпионы (2003/04 миҙгел).

Тренер карьераһы

• 2016 йылдың ғинуарынан алып 2021/22 йылдар миҙгеле аҙағына тиклем «Ағиҙел» (Өфө) клубында тренерлыҡ итә.

Тренерлыҡ ҡаҙаныштары:

• Ҡатын-ҡыҙҙар хоккей лигаһы чемпионатының көмөш призеры (2015/16, 2016/17);
• «EURO WOMEN'S HOCKEY CHALLENGE» халыҡ-ара турниры еңеүсеһе (2017);
• Өс тапҡыр Рәсәй чемпионы һәм БДХЛ кубогы еңеүсеһе (2017/18, 2018/19, 2020/21);
• Рәсәй чемпионы һәм ВХЛ кубогы финалсыһы (2019/20)^[4].