Батыров Артур Артур улы
| татар. Артур Артур улы Батыров | |
| Вафат булған көнө | 21 май 2022 (28 йәш) |
|---|---|
| Һөнәр төрө | хәрби хеҙмәткәр |
| Гражданлығы | |
| Хәрби звание | өлкән лейтенант |
| Уҡыу йорто | |
| Тыуған көнө | 19 октябрь 1993 |
| Маҡтаулы исемдәре һәм башҡа бүләктәре | |
| Вафат булған урыны | |
| Юғалтыуҙың хәрби классификацияһы | яуҙа һәләк була[d] |
| Тыуған урыны | |
| Заты | ир-ат |
Батыров Артур Артур улы (19 октябрь 1993 йыл — 21 май 2022 йыл — Рәсәй хәрби хеҙмәткәре, гвардия өлкән лейтентаты, Рәсәйҙең Украиналағы махсус хәрби операцияһында ҡатнашыусы. Батырлыҡ һәм Генерал Шайморатов ордендары кавалеры (үлгәндән һуң).
Биографияһы
Артур Артур улы Батыров 1993 йылдың 19 октябрендә Башҡортостан Республикаһы Дәүләкән ҡалаһында тыуған. Атаһы Артур Батыров, әсәһе Рәсилә Сәғәҙи ҡыҙы Батырова Дәүләкән ҡалаһы 4-се лицей-мәктәптә башланғыс кластар уҡытыусыһы булып эшләй. Дәүләкән ҡалаһында 4-се лицейҙа 9-сы класты тамамлағандан һуң 103-сө һөнәрселек училищеһына ашнаҡсы-кондитер һөнәре буйынса уҡырға инә һәм уны ҡыҙыл дипломға тамамлай. 2012 йылда Армия хеҙмәтенә саҡырыла. 2013 йылда генерал А. В. Хрупёв исемендәге матди-техник тәьминәт хәрби академияһы курсанты, 2019 йылдан Рәсәй Федерацияһы Ҡораллы Көстәре сафында офицер званиеһында хеҙмәтен дауам итә. Ураиналағы махсус хәрби операцияла уның башынан уҡ ҡатнаша. Мотоуҡсылар взводы командиры Артур Батыров Харьков өлкәһендәге Изюм янында батырҙарса һәләк була[1]. 2022 йылдың 23 майында Дәүләкән районы Мәҙәниәт йортонда хәрби офицер хөрмәтенә матәм митингыһы үтә. Унда Башҡортостан Башлығы Радий Хәбиров ҡатнаша. Ул һәләк булған яугирҙың ата-әсәһенә хәрби бурысын үтәгәндә күрһәткән батырлығы өсөн үлгәндән һуң бүләкләнгән Генерал Шайморатов орденын тапшыра. Район хакимиәтенән уның исемен мәңгеләштереү сараһын хәстәрләүҙе һорай[2].
Артур хеҙмәт иткән часть вәкиле, өлкән лейтенант Сергей Маринов, иптәше менән хушлашҡанда: «Мин уны яҡшы белә инем, ул намыҫлы һәм әҙәпле офицер, изге күңелле һәм ихлас кеше ине. Рәсәй президенты Указы менән өлкән лейтенант Артур Батыров үлгәндән һуң ҡаһарманлыҡ һәм батырлыҡ өсөн Батырлыҡ орденына тәҡдим ителде, был награда ата-әсәләренә тапшырыласаҡ. Геройға мәңгелек дан, Рәсәй һине бер ҡасан да онотмаясаҡ»[3].
4-се лицей директоры Фирүзә Ҡунаҡбай ҡыҙы Ахунйәнова Артур тураһында: «Мәктәп йылдарында уҡ унда тәртиплелек, ғәҙәти булмаған аҡыл, уҡыуҙа һәм хеҙмәттә ныҡышмалылыҡ күрһәтте. Ул эске мәҙәниәте һәм һөйкөмлөлөгө менән айырылып торҙо».
Маҡтаулы исемдәре һәм башҡа бүләктәре
- «Батырлыҡ» ордены (2022);
- Генерал Шайморатов ордены (2022);
Иҫкәрмәләр
- ↑ Асылыкүл-Балҡантау гәзите «Үлгәндән һуң Батырлыҡ орденына тәҡдим ителде» 27 май 2002 йыл
- ↑ .Новости Уфы и Башкортостана. Радий Хабиров простился сегодня с лейтенантом Артуром Батыровым, погибшим в Украине
- ↑ Новости Уфы / В Башкирии простились со старшим лейтенантом Артуром Батыровым, погибшим на территории Украины
Һылтанмалар
- « Асылыкүл-Балҡантау» гәзите «Үлгәндән һуң Батырлыҡ орденына тәҡдим ителде» 27 май 2002 йыл.
- Новости Уфы и Башкортостана. Радий Хабиров простился сегодня с лейтенантом Артуром Батыровым, погибшим в Украине
- Новости Уфы / В Башкирии простились со старшим лейтенантом Артуром Батыровым, погибшим на территории Украины
- 21 майҙа вафат булғандар
- 2022 йылда вафат булғандар
- 19 октябрҙә тыуғандар
- 1993 йылда тыуғандар
- Батырлыҡ ордены кавалерҙары
- Дәүләкәндә тыуғандар
- 24 майҙа вафат булғандар
- Рәсәйҙең Украиналағы махсус хәрби операцияһында ҡатнашыусылар
- Генерал Шайморатов ордены кавалерҙары
- А. В. Хрупёв исемендәге матди-техник тәьминәт хәрби академияһын тамамлаусылар