Бикмәтов Ниғмәт Ишмырҙа улы

Бикмәтов Ниғмәт Ишмырҙа улы 1918 йылда Ырымбур губернаһының Силәбе өйәҙе Селәй ауылында, хәҙерге Силәбе өлкәһенең Арғаяш районында тыуған^[1]. Ҡыҙыл Армия сафына 1939 йылда Арғаяш хәрби комиссариаты тарафынан саҡырыла. Бөйөк Ватан һуғышында ҡатнаша, 294‑се кавалерия полкы орудие командиры, 16‑сы гвардия кавалерия дивизияһының артиллерия штабы начальнигы ярҙамсыһы, 148‑се гвардия артиллерия-миномёт полкының 3‑сө батареяһы командиры булып хеҙмәт итә^[1][2][3]. Дивизия 1942 йылдың июлендә беренсе тапҡыр һуғышҡа ингәндә, Алешка — Малые Борки — Святоша һыҙығында артиллерия батареяһы менән командалыҡ итә, Ҡыҙыл Йондоҙ ордены менән наградлана, ә 1945 йылдың апрелендә дошмандың Померания төркөмөн ҡыйратыу буйынса һуғышта — III дәрәжә Богдан Хмельницкий орденына лайыҡ була. 112-се Башҡорт кавалерия дивизияһы музейында Бикмәтов Ниғмәт Ишмырҙа улы тураһында ошолай яҙылған:

Ниғмәт Ишмырҙа улы Бикмәтов Бөйөк Ватан һуғышы йылдарында 112-се Башҡорт кавалерия дивизияһында, ул ойошторолғандың беренсе көндәренән алып Еңеү көнөнә тиклем хеҙмәт итте. … Кесе лейтенанттан алып гвардия майоры дәрәжәһенә тиклем бөтә хәрби юлын ҡыйыу һалдат взвод командиры, 148-сы артиллерия миномет полкының миномет батареяһы командиры (1943—1945 йылдар), 112-се Башҡорт кавалерия дивизияһының 2-се артиллерия штабы начальнигы ярҙамсыһы вазифаларында үтте…»[2]

.

• Батырлыҡ өсөн» миҙалы (1943),
• I (1943) дәрәжә Ватан һуғышы ордены,
• II (1944) дәрәжә Ватан һуғышы ордены^[4],
• III дәрәжә Богдан Хмельницкий ордены (1945),
• Ҡыҙыл Йондоҙ ордены (1942)^{[1][2][3][5][6]}.