Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Зыятдинов Гөлфәт Ғәбдинур улы

Выверенная статья

Aprove.svg

Выверенная статья

Зыятдинов Гөлфәт Ғәбдинур улы (рус. Зиятдинов Гульфат Габдинурович; 1 май 1948 йыл) — педагог, мәғариф һәм муниципаль орган хеҙмәткәре, йәмәғәтсе, үҙешмәкәр сәнғәттә ҡатнашыусы. Рәсәй Федерацияһының (2008) һәм Башҡортостан Республикаһының (2004) атҡаҙанған уҡытыусыһы.

Юғары белемле. 1971 йылда Бөрө дәүләт педагогия институтының[1] физика-математика факультетын тамамлаған.

Биографияһы

Гөлфәт Ғәбдинур улы Зыятдинов 1948 йылдың 1 майында Башҡорт АССР-ының Балтас районы Нажар ауылында тыуған[2].

Үҙ аллы хеҙмәт эшмәкәрлеген 1970 йылда ошо райондың Үрге Ҡарыш урта мәктәбендә физика һәм математика уҡытыусыһы булып башлай.

1971 йылдан Нефтекама ҡалаһы 2-се урта мәктәбенең физика уҡытыусыһы.

1979 йылдан Нефтекама нефть техникумының бүлек мөдире[2].

1985 йылдан Нефтекамалағы 11-се урта мәктәп директоры.

1992 йылдың ғинуар—март айҙарында Нефтекама ҡала мәғариф бүлеге мөдире була һәм халыҡ депутаттарының Нефтекама ҡала советы рәйесе итеп һайлана. Был вазифала 1994 йылдың ғинуарынаса эшләй, артабан — Нефтекама ҡалаһы мэрының социаль мәсьәләләр буйынса урынбаҫары[2].

1994 йылдың декабренән — Нефтекама муниципаль милек менән идара итеү комитетының рәйес урынбаҫары.

1995 йылдың июленән — Нефтекаманың 8-се урта мәктәбе директоры[2].

2008 йылдан — хаҡлы ялда, эшләүен дауам итә: «Солнечный» баҡсасылыҡ ҡулланыусылар кооперативы рәйесе[3], «Краса Увал» төбәгендәге барлыҡ баҡсасылыҡ ҡулланыусылар кооперативтары кураторы[2].

Йәмәғәт эшмәкәрлеге

  • 2008—2012 йылдар: Нефтекама ҡалаһындағы 11-се социаль-профилактика үҙәгенең совет рәйесе;
  • Ҡалалағы татар милли-мәҙәни үҙәк етәксеһе.

Маҡтаулы исемдәре һәм башҡа бүләктәре

  • Рәсәй Федерацияһының атҡаҙанған уҡытыусыһы (2008)[4];
  • Башҡортостан Республикаһының атҡаҙанған уҡытыусыһы (2004)[5];
  • РСФСР-ҙың хәлыҡ мәғарифы отличнигы (1991);
  • Башҡорт АССР-ы Халыҡ мәғарифы министрлығының Почёт грамотаһы (1989);
  • ВЦСПС-тың «Үҙешмәкәр сәнғәттәге ҡаҙаныштары өсөн» күкрәккә тағыла торған билдәһе (1984);
  • «Башнефть» производство берекмәһенең Почёт грамотаһы (1982).

Иҫкәрмәләр

  1. ↑ 2022 йылдан Өфө фән һәм технологиялар университетының Бөрө филиалы.
  2. ↑ 1 2 3 4 5 Тагиров А. С., Тагирова З. А. Герои Нефтекамского времени (Энциклопедия личностей). (рус.) (Тикшерелеү көнө: 6 июнь 2024).
  3. ↑ САДОВОДЧЕСКИЙ ПОТРЕБИТЕЛЬСКИЙ КООПЕРАТИВ «СОЛНЕЧНЫЙ». Председатель Зиятдинов Гульфат Габдинурович. Сайт B2B-Project.ru — единый универсальный каталог предприятий и организаций
  4. ↑ Сайт «Награды России». За заслуги в обучении и воспитании учащихся и многолетний добросовестный труд. Почетное звание «Заслуженный учитель Российской Федерации». 29 февраля 2008 года
  5. ↑ Указ Президента Республики Башкортостан от 11 марта 2004 года

Әҙәбиәт

  • Тагиров А. С., Тагирова З. А. Герои Нефтекамского времени (Энциклопедия личностей). — Нефтекамск, 2018. — 216 с., с илл.  (рус.) (Тикшерелеү көнө: 5 июнь 2024)

Һылтанмалар

Категориялар