Исламов Зикаф Исламғәли улы
Зикаф Исламғәли улы Исламов (рус. Зикаф Исламгалеевич Исламов; 1944 йылдың 9 декабре, Яңы Нуғай, Башҡорт АССР-ы) — спортсы, педагог, йәмәғәтсе. 1968—2013 йылдарҙа Краснокама районы Яңы Нуғай мәктәбенең физик культура уҡытыусыһы, шул иҫәптән 1991—2013 йылдарҙа — мәктәп директоры. Рәсәй Федерацияһының (2003) һәм Башҡорт АССР-ының (1985) атҡаҙанған уҡытыусыһы, РСФСР-ҙың халыҡ мәғарифы отличнигы (1979), «Рәсәй Федерацияһының иң яҡшы уҡытыусылары» конкурсы еңеүсеһе (2008), Хеҙмәт Ҡыҙыл Байраҡ ордены кавалеры (1986).
Биографияһы
Исламов Зикаф Исләмғәли улы 1944 йылдың 9 декабрендә Башҡорт АССР-ының Краснокама районы Яңы Нуғай ауылында тыуған.
Юғары белемле: 1973 йылда хәҙерге Удмурт дәүләт университетын «физик культура уҡытыусыһы» һөнәре буйынса тамамлаған.
Хеҙмәт эшмәкәрлеген 1962 йылдың октябрендә Краснокама районы Арлан урта мәктәбенең өлкән пионер вожатыйы булып башлай. 1963 йылдың авгусынан — ошо мәктәптең физик культура уҡытыусыһы.
1964 йылдың ноябренән 1966 йылдың майынаса саҡырыу буйынса СССР Ҡораллы Көстәрендә хәрби хеҙмәттә була.
1966 йылдың авгусынан — Арлан урта мәктәбенең физик культура уҡытыусыһы.
1968 йылдың авгусынан — Яңы Нуғай урта мәктәбенең физик культура уҡытыусыһы.
1991 йылдың авгусы — 2013 йылдың авгусы — Яңы Нуғай урта мәктәбе директоры һәм бер үк ваҡытта физик культура уҡытыусыһы.
Йәмәғәт эшмәкәрлеге
- Краснокама районының 26-сы саҡырылыш Яңы Нуғай ауыл советы депутаты;
- Физик культура уҡытыусыларының район методик берекмәһе етәксеһе;
- Район мәғариф бүлегенең йәмәғәт советы ағзаһы;
- Саңғыла йүгереү, еңел атлетика, велоспорт, гер һәм штанга күтәреү буйынса төрлө кимәл ярыштарының даими ҡатнашыусыһы.
Маҡтаулы исемдәре һәм башҡа бүләктәре
- Хеҙмәт Ҡыҙыл Байраҡ ордены (1986);
- Башҡорт АССР-ы Юғары Советы Президиумының Почёт грамотаһы (1974);
- Рәсәй Федерацияһының атҡаҙанған уҡытыусыһы (2003)[1];
- Башҡорт АССР-ының атҡаҙанған уҡытыусыһы (1985);
- РСФСР Мәғариф министрлығының Почёт грамотаһы (1976);
- РСФСР-ҙың халыҡ мәғарифы отличнигы (1979);
- «Рәсәй Федерацияһының иң яҡшы уҡытыусылары» конкурсы еңеүсеһе (2008);
- Краснокама районының почётлы гражданы (2015);
- Башҡортостан Республикаһы Президенты һәм Премьер-министры призына республика саңғы фестивале чемпионы (2004);
- Саңғы ярыштары, еңел атлетика, велоспорт, гер һәм штанга күтәреү буйынса райондың һәм Нефтекама ҡалаһының күп тапҡыр чемпионы.
Ғаиләһе
- 2019 йылда Зикаф Исламғәли улы ҡатыны Сәғҙәнә Мәхийән ҡыҙы менән бергә ғүмер итеүҙәренең 50 йыллығын билдәләй, бер нисә йыл алда улар «Мөхәббәт һәм тоғролоҡ өсөн» миҙалына лайыҡ була. Исламовтар ике ҡыҙ үҫтергән[2].
Иҫкәрмәләр
- ↑ Исламов Зикаф Исламгалеевич. Сайт «Награды России» (27 ғинуар 2003). Мөрәжәғәт итеү датаһы: 3 март 2026. (рус.) (Тикшерелеү көнө: 3 март 2026)
- ↑ Чествование юбиляров супружеской жизни в канун Дня Семьи, Любви и Верности. Сайт Новости (8 июль 2019). (рус.) (Тикшерелеү көнө: 3 март 2026)
Һылтанмалар
- Муниципальный район Краснокамский район Республики Башкортостан. Официальный сайт. Главная > Муниципальный район > Почётные граждане > Исламов Зикаф Исламгалеевич (рус.) (Тикшерелеү көнө: 3 март 2026).
- Люди, заслуживающие уважение и благодарности за их труд. Администрация сельского поселения Новонагаевский cельсовет муниципального района Краснокамский район Республики Башкортостан. Официальный сайт (рус.) (Тикшерелеү көнө: 3 март 2026).
- МБОУ «СОШ с.Новонагаево». Главная | Коллектив учителей (рус.) (Тикшерелеү көнө: 3 март 2026).
- Фирая Салихзянова. Ветеран педагогического труда отмечает свой юбилей. Газета «Краснокамские зори», 10 декабря 2024 года (рус.) (Тикшерелеү көнө: 3 март 2026).
- Еженедельная рубрика «Доска почёта Краснокамского района». Исламов Зикаф Исламгалеевич (рус.) (Тикшерелеү көнө: 3 март 2026).