Ишембәтов Вәдүт Харрас улы
Ишембәтов Вәдүт Харрас улы (10 май 1915 йыл — 13 апрель 1985 йыл) — Бөйөк Ватан һуғышында ҡатнашыусы, сержант. 112-се Башҡорт кавалерия дивизияһы штабында өлкән телеграфист, һуңынан отделение командиры[1]. II дәрәжә Ватан һуғышы ордены (1985) кавалеры[1].
Биографияһы
Вәдүт Харрас улы Ишембәтов 1915 йылдың 10 майында Ырымбур губернаһы Орск өйәҙе (хәҙер Башҡортостандың Баймаҡ районы) Ярат ауыл Советына ҡараған Ғәбсәләм ауылында тыуған[1]. Бөйөк Ватан һуғышы башланғас, Башҡорт АССР-ының Баймаҡ районы хәрби комиссариаты тарафынан Ҡыҙыл Армияға саҡырыла. 112-се Башҡорт кавалерия дивизияһы штабында өлкән телеграфист булып хеҙмәт итә, һуңынан отделение командиры була[1]. 1945 йылда тыуған яҡтарына ҡайта[2]. Юлыҡ ауылында тракторист-машинист булып эшләй[1].
1985 йылдың 13 апрелендә вафат була.
Маҡтаулы исемдәре һәм башҡа бүләктәре
- II дәрәжә Ватан һуғышы ордены (1985)
- «1941-1945 йылдарҙағы Бөйөк Ватан һуғышында Германияны еңгән өсөн» миҙалы (1945)[1]
- «Сиҙәм ерҙәрен үҙләштергән өсөн» миҙалы
Иҫкәрмәләр
Һылтанмалар
- ИШИМБЕТОВ (Ишембетов) Вадут (Юдут) Харрасович. Шаймуратовцы (рус.) (Тикшерелеү көнө: 8 июль 2021)
- Ишембетов Вадут Харрасович. Записи из проекта Дорога Памяти (рус.) (Тикшерелеү көнө: 8 июль 2021)
- Кавалеристы Баймакского района 112(16) гвардейской Башкирской кавалерийской дивизии, призванные Баймакским РВК 2021 йылдың 13 июнь көнөндә архивланған.
| «Башҡорт атлы дивизияһы» порталы |
