Мидзяева Галина Ивановна

Галина Ивановна Мидзяева 1941 йылдың 8 октябрендә Һарытау ҡалаһында тыуған^[2].

Мәктәптән һуң электр лампалары заводында контролёр булып, һуңынан статистика идаралығында, поликлиникала эшләй. Заводта халыҡ театрында шөғөлләнә^[3].

1964 йылда И. А. Слонов исемендәге Һарытау театр училищеһын (педагогы — Бржевский С. И.) тамамлаған һәм йылдан артыҡ А. Н. Толстой исемендәге Сызрань драма театрында эшләгән^[2][3].Тормош иптәше Анатолий Хаустовтың^[3] диплом спектаклен ҡарағандан һуң, Өфө режиссёры уны үҙенең театрына саҡыра. Галина Ивановна Башҡортостанға күсенә.

1965—2012 йылдарҙа Башҡортостан Республикаһы Рус дәүләт академия драма театрында эшләй^[2].

Бер үк ваҡытта 1970 йылдарҙан Өфө сәнғәт училищеһында, 1992 йылдан башлап — Өфө сәнғәт институтында уҡыта^[3].

Сәхнә ветераны 2024 йылдың 29 ноябрендә Өфө ҡалаһында вафат булды^[4][5].

• Ольга Николаевна (“Беҙҙең тормош көндәре” — “Дни нашей жизни”, Л.Н.Андреев),
• батша ҡатыны Ирина (“Батша Фёдор Иоаннович” — “Царь Фёдор Иоаннович”, А.К.Толстой),
• Маша (“Эшелон”, М.М.Рощин),
• Серафима Ильинична (“Үҙ‑үҙенә ҡул һалыусы” — “Самоубийца”, Н.Р.Эрдман).,
• Наташа (“Мөхәббәт хаҡында 104 бит” — “104 страницы про любовь”, Э.С.Радзинский; дебют, 1965, Сызрань драма театры),
• Катюша Маслова (Л.Н.Толстойҙың “Яңынан терелеү” (“Воскресение”) романы б‑са Л.Соколов һәм Б.Филипповтың ш. уҡ исемле спектакле),
• Поля (“Мещандар” — “Мещане”, М.Горький).

• Рәсәй Федерацияһының халыҡ артисы (1995)^[6];
• РСФСР-ҙың атҡаҙанған артисы (1986);
• Башҡорт АССР-ының атҡаҙанған артисы (1979);
• Башҡортостан Республикаһы Театр эшмәкәрҙәре союзының Бәҙәр Йосопова исемендәге премияһы лауреаты, иң яҡшы ҡатын-ҡыҙ роле өсөн (Памелла, «Һөйөклө Памелла» спектакле, Д. Патрик);
• «Годы странствий» спектаклендә Анастасия Владимировна ролен башҡарған өсөн республика Мәҙәниәт министрлығының һәм Театр эшмәкәрҙәре союзының «Алтын Ай» театр премияһы лауреаты;
• 2006 һәм 2007 йылдарҙа «Пресса» республика рейтингының ике тапҡыр лауреаты.