Муллағәләмов Марат Сабит улы
Муллағәләмов Марат Сабит улы (рус. Марат Сабитович Муллагалямов; 1930 йылдың 7 ноябре, Сермән, Башҡорт АССР-ы — 2026 йылдың 26 ғинуары, Өфө) — совет хужалыҡ, дәүләт эшмәкәре һәм сәйәсмән[1]
Биографияһы
Марат Сабит улы Муллағәләмов 1930 йылда Башҡорт АССР-ының Белорет районы Сермән ауылында тыуған.
Юғары белемле — 1953 йылда Өфө авиация институтын тамамлаған, инженер-механик.
1953—1962 йылдарҙа — Өфөләге 20-се п/й ойошмаһының (Өфө моторҙар эшләү заводы) өлкән механигы, инженер-тикшеренеүсеһе.
1962—1965 йылдарҙа — КПСС-тың Башҡортостан өлкә комитетында, КПСС-тың Стәрлетамаҡ ҡала комитетында, партия эшендә мәшғүл.
1965—1979 йылдарҙа — халыҡ депутаттарының Стәрлетамаҡ ҡала Советы башҡарма комитеты рәйесе.
1979—1986 йылдарҙа — БАССР Министрҙар Советы рәйесе урынбаҫары.
1986—1990 йылдарҙа — «Башнефть» производство берекмәһенең генераль директоры урынбаҫары.
1990—1991 йылдарҙа — инженер, Йемен Республикаһы[2][3].
Ветеран 2026 йылдың 26 ғинуарында Өфө ҡалаһында вафат булды[4].
Йәмәғәт эшмәкәрлеге
Биш саҡырылыш Башҡорт АССР-ының Юғары Советы депутаты итеп һайлана.
1996 йылдан 2015 йылға тиклем — һуғыш, хеҙмәт, Ҡораллы Көстәр һәм хоҡуҡ һаҡлау органдары ветерандарының республика советы рәйесе[5].
Маҡтаулы исемдәре һәм бүләктәре
- Хеҙмәт Ҡыҙыл Байраҡ ордены (өс мәртәбә)
- «Почёт Билдәһе» ордены
- Алты миҙал
- «Башҡортостан Республикаһында фиҙаҡәр хеҙмәте өсөн» билдәһе
- Башҡортостан Республикаһының халыҡты социаль яҡлау буйынса атҡаҙанған хеҙмәткәре
- «Стәрлетамаҡ ҡалаһының почетлы гражданы» исеме[2]
- «Башҡортостан Республикаһы ҡануниәтен үҫтереүгә тос өлөш индергән өсөн» Почет билдәһе[6]
Ғаиләһе
Атаһы — Сабит Муллағәләм улы Муллағәләмов — Бөйөк Ватан һуғышында һәләк булған. Ҡатыны Наирә Шаһиәхмәт ҡыҙы Муллағәлләмова 1988 йылда вафат. Ул БАССР Госпланы Президиумы Рәйесе, сәйәси репрессия ҡорбаны Шаһиәхмәт Дауытовтың ҡыҙы булған. Ике ҡыҙ тәрбиәләп үҫтергәндәр[7].
Иҫкәрмәләр
- ↑ Он посвятил себя служению народу (К 85-летию Марата Муллагалямова)
- ↑ 1 2 Муллагалямов Марат Сабитович
- ↑ Муллагалямов Марат Сабитович(недоступная ссылка)
- ↑ Лейла Аралбаева. В Уфе ушел из жизни бывший председатель совета ветеранов Марат Муллагалямов. ИА «Башинформ» (27 ғинуар 2026). Мөрәжәғәт итеү датаһы: 27 ғинуар 2026. (рус.)
- ↑ МУЛЛАГАЛЯМОВ Марат Сабитович
- ↑ БР Ветерандар советы рәйесе Марат Муллағәләмов Почет билдәһе менән бүләкләнде
- ↑ Учиться, трудиться и любить Родину — вот секрет счастливой жизни
