Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Урал (галерея)

Был терминдың башҡа мәғәнәләре лә бар, ҡарағыҙ: Урал (мәғәнәләр).

«Урал» — Өфө ҡалаһында Халыҡ ижады үҙәге ҡарамағындағы республика халыҡ сәнғәте галереяһы[1][2][3].

Тасуирламаһы

Галереяның үҙ сәнғәт әҫәрҙәре йыйылмаһы бар, ул халыҡ кәсептәре әйберҙәре, үҙешмәкәр һынлы һәм биҙәү‑ҡулланма сәнғәте, шулай уҡ рәссамдар һәм фоторәссамдар эштәре күргәҙмәләрен һәм йәрминкәләрен ойоштора[1]. Галереяның маҡсаты — һәүәҫкәрҙәр ижадын популярлаштырыу, шулай уҡ бында килеүселәрҙең аң даирәһен киңәйтеү. Оҙаҡ ваҡыт дауамында был урын үҙ миссияһын үтәүен дауам итеп, республика рәссамдарының ҡаҙаныштарына иғтибарҙы йәлеп итә[4].

Тарихы

1992 йылда Өфө ҡалаһында Хәҙерге заманса сәнғәт галереяһы булараҡ нигеҙ һалына. 1995 йылда «Урал» галереяһы тип үҙгәртелә. 2005—2007 йылдарҙа өлгөлө художество коллективтары эшмәкәрлегенә етәкселек итә.

2002 йылдан алып йыл һайын «Тамға» күргәҙмә проектының республика семинарҙарын үткәрә, унда художестволы кейеҙ өлкәһендә эшләгән халыҡ оҫталары ҡатнаша[1].

2020 йылдың февралендә «Урал» халыҡ сәнғәте галереяһында Башҡортостан Республикаһында Башҡорт теле йылына һәм «Селтәр» башҡорт костюмы студияһының биш йыллығына арналған «Ырыуҙар хазинаһы» милли кейем күргәҙмәһе асыла. Экспозицияла башҡорт халҡының милли кейемдәре ҡуйыла. Күргәҙмәнең төп өлөшөн биҙәүестәр биләй, улар араһында һаҡал, селтәр, ҡашмау, яға һәм иҙеү, стилләштерелгән күкрәксә һәм башҡалар бар[5].

2022 йылдың 21 майында галереяла Музейҙар төнө акцияһы үтә. Акция сиктәрендә Ҡырмыҫҡалы районының «Инеш» үҙешмәкәр рәссамдарҙың халыҡ клубы күргәҙмәһе күрһәтелә[6].

2022 йылдың сентябрь — октябрендә галереяла «Йәйләү» художестволы кейеҙ күргәҙмәһе үтә[7].

2024 йылдың 2 декабрендә Галина Фадееваның «Донъя рәссам күҙҙәре менән» картиналар күргәҙмәһе асыла. Экспозиция акрил менән яҙылған һынлы сәнғәт әҫәрҙәренән тора. Картиналарҙа — донъяның төрлө мөйөштәренән пейзаждар. Күп урындарҙа 86 йәшлек рәссам шәхсән үҙе була. Галина Леонидовна 80 йәшендә рәсем сәнғәте менән шөғөлләнә башлай. Шул ваҡыттан алып уның портфолиоһында 200-ҙән ашыу картина барлыҡҡа килә[8].

2025 йылдың 1 апрелендә етәксе Надежда Александровна Масленникова иҫтәлегенә арналған «Ҡатын-ҡыҙ вернисажы» клубы ағзаларының күргәҙмәһе эшләй башлай. Масленникованың эштәре элек 41-се китапханала, В. Пегов исемендәге сәнғәт мәктәбендә һәм Халыҡ ижады үҙәгендә ҡуйылған. Клубта ҡатнашыусылар акварель һәм гуашь менән эшләнгән натюрморттар тәҡдим итә. Экспозицияны Масленникованың шәхси коллекцияларҙан картиналары тулыландыра[9].

Иҫкәрмәләр

  1. ↑ 1 2 3 С. В. Игнатенко. Галереи художественные // Башҡорт энциклопедияһы. — Өфө: Башҡорт энциклопедияһы (ғилми-нәшриәт комплексы), 2015—2020. — ISBN 978-5-88185-306-8.
  2. ↑ Художественные галереи // Башҡорт энциклопедияһы. — Өфө: Башҡорт энциклопедияһы (ғилми-нәшриәт комплексы), 2015—2020. — ISBN 978-5-88185-306-8.
  3. ↑ Центр народного творчества // Башҡорт энциклопедияһы. — Өфө: Башҡорт энциклопедияһы (ғилми-нәшриәт комплексы), 2015—2020. — ISBN 978-5-88185-306-8.
  4. ↑ Галерея народного искусства «Урал». https://idemvmuzei.ru. Мөрәжәғәт итеү датаһы: 22 сентябрь 2025.
  5. ↑ В галерее «Урал» открылась выставка национального костюма «Сокровища родов». bashkortostan.ru (21 февраль 2020). Мөрәжәғәт итеү датаһы: 22 сентябрь 2025.
  6. ↑ В галерее «Урал» прошла акция "Ночь музеев". kulturarb.ru (23 май 2022). Мөрәжәғәт итеү датаһы: 22 сентябрь 2025.
  7. ↑ «Яйляу»:республиканский фестиваль-конкурс художественного войлока в галерее «Урал». artrb.ru (25 сентябрь 2022). Мөрәжәғәт итеү датаһы: 22 сентябрь 2025.
  8. ↑ В Уфе в этноцентре «Урал» открылась выставка картин Галины Фадеевой “Мир глазами художницы”. gtrkrb.ru (2 декабрь 2024). Мөрәжәғәт итеү датаһы: 22 сентябрь 2025.
  9. ↑ Начала работу выставка участников клуба «Дамский вернисаж», посвящённая памяти руководителя Надежды Александровны Масленниковой. dialogufa.ru (3 апрель 2025). Мөрәжәғәт итеү датаһы: 22 сентябрь 2025.

Һылтанмалар

Тема буйынса өҫтәмә

Категориялар