Хәмиҙуллин Салауат Ишмөхәмәт улы

Салауат Ишмөхәмәт улы Хәмиҙуллин 1968 йылдың 1 июнендә Башҡорт АССР-ының (хәҙер Башҡортостан Республикаһы) Стәрлетамаҡ ҡалаһында тыуа. Башҡорт дәүләт университетының тарих факультетын тамамлай. 1991—1992 йылдарҙа «Истоки» гәзите хәбәрсеһе була. 1991 йылдан Башҡортостан дәүләт радио-телекомпанияһында: телевидениеның йәштәр редакцияһы мөхәррире, «Йәшлек» ижад берекмәһе етәксеһе, «Яңылыҡтар» редакцияһы хәбәрсеһе, «Ғилем» ижад берекмәһе мөхәррире, ижтимағи-сәйәси тапшырыуҙар ижад берекмәһе мөхәррире, танып-белеү һәм тарихи тапшырыуҙар бүлеге етәксеһе, телевидение студияһының танып-белеү тапшырыуҙары редакцияһы етәксеһе булып эшләй.

«Историческая среда» һәм «КЛИО» телепроекттары авторы һәм етәксеһе^[1].

V Бөтә донъя башҡорттары ҡоролтайы башҡарма комитеты ағзаһы^[2]

Өйләнгән, улы бар.

• Образование «Большой Башкирии». Как это было… — Уфа, 2008. (авторҙаш)
• Бурджаны в истории Евразии. — Уфа: Гилем, 2013^[3]
• История башкирских родов. Многотомник. (Составитель и редактор). — Уфа, 2014—2019. (авторҙаш)

• «Из глубины веков»;
• «На стыке времен»;
• «Богоспасаемый град Уфа»;
• «Собрание историй о стране аль-Башкурт»;
• «О чем молчат степные курганы» — Сармат мәҙәниәте тураһында;
• «У слияния трех рек» — документаль фильмы Өфө һәм Өфө II ҡаласығы тураһында;
• «Музы Клио глас суровый»;
• «Мятеж» — документаль фильм Борай ихтилалы тураһында;
• Трилогия «Рожденные для славы» (Таһир Күсимов һәм Миңлеғәле Шайморатов генераллар, Муса Мортазин комбриг тураһында);
• «Они верили в победу» (Бөйөк Ватан һуғышы тураһында);
• «Равнина надежд» (Батырша) һ. б.

• Салават Хамидуллин: «Глава республики поставил передо мной масштабные задачи». ИА «Башинформ», 2020, 12 февраля (рус.)  (Тикшерелеү көнө: 13 февраль 2020)
• Әхмәр Ғүмәр-Үтәбай. ТЫНЫС ТОРМОШТА — БӨРЙӘН, ЮРМАТЫ, ТҮҢГӘҮЕР… «Киске Өфө», 2016, № 43, 22 — 28 октябрь^[4].
• Абдуллина Л. Заманыбыҙ Салауаты тип өндәшәбеҙ беҙ уға! «Башҡортостан» гәзите, 2016, 12 август

• Нуретдинов А. Тамырҙарын барлай урандар. «Башҡортостан» гәзите, 2015, 27 июль
• Нафикова А. ТЕЛЕВИДЕНИЕ В ЛИЦАХ. Салават Хамидуллин: Я занимаюсь тем, что мне интересно. Просветительские программы востребованы всегда. «Республика Башкортостан» гәзите, 2009, 19 март

• Шәһит Хоҙайбирҙин исемендәге премия лауреаты
• Башҡортостан Республикаһының атҡаҙанған матбуғат һәм киң мәғлүмәт хеҙмәткәре (2009).
• Башҡортостан Республикаһының Салауат Юлаев исемендәге дәүләт премияһы лауреаты (2012)^[5].
• Башҡортостан Республикаһының Маҡтау ҡағыҙы (2022)^[6]

Документаль фильмдар өсөн

• II Халыҡ-ара «Мәңгелек ут» фестивале (Волгоград, 2000): «Генерал Шаймуратов» фильмы — I урын;
• «Ер һәм кешеләр» республика телефестивале (Өфө, 2002): «У слияния трех рек» фильмы — I урын;
• Республика киң мәғлүмәт сараларының «Баш ҡалаға — 430» конкурсы (Өфө, 2004): «Богоспасаемый град Уфа» фильмы — II премия.
• «Тэфи-регион-2007» Бөтә Рәсәй телевизион конкурсы: «Под знаком Сатурна» фильмы.