Әбүталипов Исмәғил Исхаҡ улы
Әбүталипов Исмәғил Исхаҡ улы (рус. Абуталипов Исмагил Исхакович) (25 февраль 1920 йыл — 3 март 2008 йыл) — 112-се Башҡорт кавалерия дивизияһы яугиры, шайморатовсы, рядовой. Ҡыҙыл Йондоҙ ордены, I дәрәжә һәм II дәрәжә Ватан һуғышы ордены кавалеры[1].
Биографияһы
Исмәғил Исхаҡ улы Әбүталипов Баймаҡ районы Темәс ауылында 1920 йылдың 25 февралендә тыуған.
1941 йылдың февралендә Баймаҡ район хәрби комиссариаты тарафынан Ҡыҙыл Армия сафына саҡырыла.
1942 йылдың 6 июлендә туранан-тура тоҫҡап (прямой наводкой) дошмандың миномёт нөктәһен һәм 35 дошман һалдатын юҡ итә. Брянск фронты, 8-се кавалерия корпусы, 112-се ирекле Башҡорт кавалерия дивизияһының 275-се кавалерия полкы 7-се кавалерия корпусы 16-сы гвардия кавалерия дивизияһы 58-се гвардия кавалерия полкы составында һуғыша.
1942 йылдың 31 июлендә Ҡыҙыл Йондоҙ орденына лайыҡ була.
1943 йылдың 23 февралендә 16-сы кавалерия дивизияһы рядовойы Әбүталипов «Батырлыҡ өсөн» миҙалы, 1943 йылдың 3 ноябрендә 7-се кавалерия корпусы командованиеһы рядовой һалдат Исмәғил Исхаҡ улы Әбүталиповты II дәрәжә Ватан һуғышы ордены менән бүләкләй[2].
1985 йылдың 6 апрелендә, Бөйөк Еңеүҙең 40 йыллығын билдәләгән көндәрҙә, ветеран I дәрәжә Ватан һуғышы ордены менән бүләкләнә[2].
2008 йылдың 3 мартында Баймаҡ районының Темәс ауылында вафат була[3].
Маҡтаулы исемдәре һәм башҡа бүләктәре
- Ҡыҙыл Йондоҙ ордены (1942)
- «Батырлыҡ өсөн» миҙалы ( 1943)
- II дәрәжә Ватан һуғышы ордены (1943)
- I дәрәжә Ватан һуғышы ордены (1985)[2]
Хәтер
Әбүталипов Исмәғил Исхаҡ улының исеме Башҡортостанда нәшер ителгән баҫмаларҙа[3] һәм БР-ҙың Баймаҡ районының Темәс ауылында Бөйөк Ватан һуғышында ҡатнашыусылар хөрмәтенә ҡуйылған һәйкәлдәге исемлеккә индерелгән.
Сығанаҡтар
- ЦАМО. Фонд 33. Опись 682524. Единица хранения 398.
Һылтанмалар
- Шаймуратовцы. Абуталипов Исмагил Исхакович (рус.) (Тикшерелеү көнө: 23 июль 2021)
- Әбүталипов И. И.
- Память народа. Абуталипов Исмагил Исхакович (рус.) (Тикшерелеү көнө: 23 июль 2021)
- Дорога памяти. Абуталипов Исмагил Исхакович 2021 йылдың 23 октябрь көнөндә архивланған.
- РГБ: Они вернулись с победой. Баймакский район, т. 2, 2002 ISBN 5-295-03092-Х
