Әғәҙуллина Лиза Ҡыям ҡыҙы
Әғәҙуллина Лиза Ҡыям ҡыҙы (рус. Агадуллина Лиза Киямовна; 1 ғинуар 1942 йыл — 20 июнь 2024 йыл) — педагог. Рәсәй Федерацияһының атҡаҙанған һәм халыҡ уҡытыусыһы[1][2], Рәсәй Федерацияһы дөйөм белем биреү мәктәбенең маҡтаулы хеҙмәткәре[3], Башҡортостан Республикаһының халыҡ уҡытыусыһы (2008).
Биографияһы
Лиза Ҡыям ҡыҙы Әғәҙуллина (ҡыҙ фамилияһы Мөхәмәтдинова) 1941 йылдың 7 декабрендә (рус.)[4], рәсми теркәү буйынса 1942 йылдың 1 ғинуарында Башҡорт АССР-ының Ҡыйғы районы Түбәнге Ҡыйғы ауылында тыуған.
1959—1961 йылдарҙа шул уҡ райондың Арыҫлан һәм Абзай урта мәктәптәрендә өлкән пионервожатый булып эшләй[3].
1966 йылдан, Бөрө дәүләт педагогия институтын тамамлап, «химия һәм биология уҡытыусыһы» дипломы алғас, Малаяҙҙа (Салауат районы, 1966—1968), Түбәнге Ҡыйғыла (1968—1970; бер үк ваҡытта — синыфтан тыш эштәрҙе ойоштороусы) уҡыта. 1970—1971 йылдарҙа Ҡыйғы районы мәғариф бүлегенең методика кабинеты мөдире була[3].
1971 йылдан Өфөлә йәшәй һәм эшләй: 27-се мәктәп уҡытыусыһы, 1996 йылдан — Октябрь районының айырым фәндәрҙе тәрәнәйтеп өйрәтеүсе 42-се мәктәптең химия уҡытыусыһы[3]. Бер үк ваҡытта 1996 йылдан алып Республика башҡорт-төрөк лицейында (2003 йылдан — Республика Башҡорт лицей-интернаты) химия буйынса олимпиада дәрестәре алып бара[5].
Лиза Ҡыям ҡыҙы Әғәҙуллина 2024 йылдың 20 июнендә Өфө ҡалаһында вафат була[6][7].
- Тормош иптәше — Фәнил Ғабдулла улы Әғәҙуллин.
- Ҡыҙы (табип), улы (Өфө дәүләт авиация техник университетында уҡыта)[5].
- Бер туған ағаһы — Мөхәмәтдинов Радил Ҡыяметдин улы
Маҡтаулы исемдәре һәм башҡа бүләктәре
- Рәсәй Федерацияһының халыҡ уҡытыусыһы (2016)[3].
- Башҡортостан Республикаһының халыҡ уҡытыусыһы (2008)
- Рәсәй Федерацияһының атҡаҙанған уҡытыусыһы (2004)
тулы исемлек
- Рәсәй Федерацияһы дөйөм белем биреү мәктәбенең почётлы хеҙмәткәре (2004)
- «фиҙаҡәр хеҙмәте өсөн. Владимир Ильич Лениндың тыуыуына 100 йыл тулыу уңайынан» юбилей миҙалы (1970)
- БДБ илдәре Химик белем биреү буйынса ассоциацияһының «Мәктәптәрҙең химия олимпиадаларын үҫтереүгә индергән өлөшө һәм юғары педагогик оҫталығы өсөн» дипломы (1998)
- Башҡортостандың баш ҡалаһы йыл уҡытыусыһы (2002)
Ваҡытлы матбуғатта
- Нәбиева Ғ. Өфө педагогы Рәсәй Президентына Мәскәүҙә Уҡытыусыға һәйкәл ҡуйырға тәҡдим итте[8].
Әҙәбиәт
- Шерстобитова А. Лизин хлеб // Республика Башкортостан : газета. — 2007. — 9 июня (№ 111).
Иҫкәрмәләр
- ↑ Путин вручил госнаграды Александру Маслякову и Василию Ливанову. «РИА Новости» сайты, 2017, 26 ғинуар (рус.) (Тикшерелеү көнө: 26 ғинуар 2017)
- ↑ Владимир Путин вручил награду учительнице из Уфы. ИА «Башинформ», 2017, 26 ғинуар (рус.) (Тикшерелеү көнө: 26 ғинуар 2017)
- ↑ 1 2 3 4 5 Зал национальной трудовой славы
- ↑ Лиза Агадуллина. Личная страница в ВК (рус.) (Тикшерелеү көнө: 7 декабрь 2021)
- ↑ 1 2 А.Шерстобитова, 2007
- ↑ Ушла из жизни единственный в Башкирии народный учитель РФ Лиза Агадуллина
- ↑ В Уфе простились с народным учителем России и Башкортостана Лизой Агадуллиной. ИА «Башинформ», 21 июня 2024 года (рус.) (Тикшерелеү көнө: 21 июнь 2024)
- ↑ Педагог из Уфы предложила Президенту России поставить в Москве памятник Учителю. ИА «Башинформ», 2017, 26 ғинуар (рус.) (Тикшерелеү көнө: 26 ғинуар 2017)
Һылтанмалар
- Әғәҙуллина Лиза Ҡыям ҡыҙы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 4 июнь 2021)
- Агадуллина Лиза Киямовна. Зал национальной трудовой славы. Мөрәжәғәт итеү датаһы: 8 ноябрь 2016.
