Азаматов Лотфый Лоҡман улы

Азаматов Лотфый Лоҡман улы
Азаматов Лотфый Лоҡман улы
Тыуған көнө	4 ғинуар 1904
Тыуған урыны	Өфө губернаһы Бәләбәй өйәҙе Иҫке Сабай ауылы
Вафат булған көнө	20 май 1973 (69 йәш)
Вафат булған урыны	Башҡорт АССР-ының; Әбйәлил районы; Хәлил ауылы
Гражданлығы	Рәсәй империяһы; Совет Рәсәйе; СССР

Азаматов Лотфый Лоҡман улы (рус. Азаматов Лутфий Лукманович; 4 ғинуар 1904 йыл — 20 май 1973 йыл) — урындағы башҡарма, партия органдары һәм мәғариф хеҙмәткәре. Бөйөк Ватан һуғышында ҡатнашыусы. 1937—1941 йылдарҙа ВКП (б)-ның Баймаҡ район комитетының икенсе, Әбйәлил район комитетының беренсе секретары, ошо райондағы Баҡыр-Үҙәк руда идаралығының партком секретары; 1945—1964 йылдарҙа Әбйәлил районы мәктәптәре уҡытыусыһы, уҡыу-уҡытыу бүлеге мөдире һәм директоры. II дәрәжә Ватан һуғышы (1945) һәм Ҡыҙыл Йондоҙ (1943) ордендары кавалеры.

Биографияһы

Лотфый Лоҡман улы Азаматов 1904 йылдың 4 ғинуарында Өфө губернаһы Бәләбәй өйәҙе Иҫке Сабай ауылында^[1] тыуған^[2].

1930 йылда Ҡазан ҡалаһындағы Татарстан коммунистик университетын тамамлаған.

Хеҙмәт эшмәкәрлеген 1923 йылда Башҡорт АССР-ының Бәләбәй кантоны Сабай ауыл советы башҡарма комитеты рәйесе булып башлай^[2].

1930 йылдан ВКП (б)-ның Өфө губернаһы Бөрө өйәҙе Балаҡсы волость комитеты һәм Иҫке Балтас район комитеты секретары^[2].

1934 йылдан Башҡорт АССР-ының Баймаҡ районы Түбә руда идаралығының партком секретары^[2].

1936 йылдан ВКП (б)-ның Баймаҡ район комитетының мәҙәни-пропаганда бүлеге мөдире, 1937 йылдың ғинуарынан — район комитетының икенсе секретары^[2].

1937 йылдың июненән ВКП (б)-ның Әбйәлил район комитетының беренсе секретары^[2].

1938—1941 йылдарҙа Баҡыр үҙәк руда идаралығының партком секретары^[2].

Бөйөк Ватан һуғышында ҡатнаша: 1942 йылдың майынын хәрәкәт итеүсе армияла, айырым элемтә батальонында хеҙмәт итә, капитан^[3].

1945 йылдан Әбйәлил районы Баҡыр үҙәк ете йыллыҡ мәктәбенең уҡыу-уҡыу бүлеге мөдире, директоры, 1957—1964 йылдарҙа ошо уҡ райондың Хәлил урта мәктәбе директоры^[2].

1973 йылдың 20 майында Әбйәлил районы Хәлил ауылында вафат була, ошо райондың Әлмөхәмәт ауылында ерләнә^[2].

Маҡтаулы исемдәре һәм башҡа бүләктәре

• II дәрәжә Ватан һуғышы ордены (1945)^[3]
• Ҡыҙыл Йондоҙ ордены (1943)^[3]
• «Кёнигсбергты алған өсөн» миҙалы (1945)^[3]
• «1941—1945 йылдарҙағы Бөйөк Ватан һуғышында Германияны еңгән өсөн» миҙалы (1945)^[3]
• «Сиҙәм ерҙәрҙе үҙләштергән өсөн» миҙалы (1956)^[2]
• РСФСР Мәғариф министрлығының Почёт грамотаһы^[2]

Иҫкәрмәләр

↑ Хәҙер Башҡортостан Республикаһының Бүздәк районы Сабай ауылы.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ Абзелиловская энциклопедия / гл. ред. Р. С. Сынгизов. — Уфа: Башкирская энциклопедия, 2015. — 624 с. — ISBN 978-5-88185-255-9. (рус.) (Тикшерелеү көнө: 8 ноябрь 2024)
↑ ¹ ² ³ ⁴ ⁵ Сайт Министерства обороны РФ «Память народа». Участники войны. Азаматов Лутфий Лукманович (рус.) (Тикшерелеү көнө: 8 ноябрь 2024)

Һылтанмалар

Абзелиловская энциклопедия / гл. ред. Р. С. Сынгизов. — Уфа: Башкирская энциклопедия, 2015. — 624 с. — ISBN 978-5-88185-255-9. (рус.) (Тикшерелеү көнө: 8 ноябрь 2024)

[1] Хәҙер Башҡортостан Республикаһының Бүздәк районы Сабай ауылы.

[АЭ-2] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ Абзелиловская энциклопедия / гл. ред. Р. С. Сынгизов. — Уфа: Башкирская энциклопедия, 2015. — 624 с. — ISBN 978-5-88185-255-9. (рус.) (Тикшерелеү көнө: 8 ноябрь 2024)

[ПН-3] ¹ ² ³ ⁴ ⁵ Сайт Министерства обороны РФ «Память народа». Участники войны. Азаматов Лутфий Лукманович (рус.) (Тикшерелеү көнө: 8 ноябрь 2024)

[1]

[2]

[3]