Айыр (Йүрүҙән ҡушылдығы)
Айыр (Оло Айыр) — рус. Аир — Рәсәй йылғаһы. Башҡортостан биләмәләрендә, Салауат районы 2-се Иҙелбай ауылы эргәһенән аға, тауҙар араһында сыҡҡан шишмәләрҙән башлана, Кесе Айыр (Кесайыр) тигән һул ҡушылдығы бар, һыуы өҫкө ағышында һалҡын һәм таҙа. Йылға Йүрүҙәнгә һул яҡтан, тамағынан 122 км өҫтәрәк ҡушыла. Айырҙың оҙонлоғо 16 км.
Уҙған быуаттың 90-сы йылдарына тиклем Айырҙа төрлө балыҡ, шул иҫәптән бәрҙе, суртан, шамбы һ.б. бар ине, хәҙер бик ныҡ һайыҡҡанлыҡтан, балыҡ бөтөнләй юҡ дәрәжәһендә. Йылғаның Йүрүҙәнгә ҡушылған тирәлә генә оло йылғанан ингән ташбаш кеүек ваҡ балыҡ осрай. Йылға ярҙары буйлап күпләп ерек, муйыл һәм тал ағастары, балан, гөлйемеш һәм ҡарағат кеүек ваҡ ҡыуаҡлыҡтар үҫә. Йылғаның төбө башлыса ташлы.
Һыу реестры мәғлүмәттәре
Рәсәй дәүләт һыу реестры мәғлүмәте буйынса йылға Кама һыу бассейны округында урынлашҡан, һыу хужалығы участкаһы — Ҡариҙел йылғаһы, Нязепетровск гидроузеленән Павловск гидроузеленә тиклем Әй йылғаһын индермәйенсә. Бәләкәй йылға бассейны — Ағиҙел, йылға бассейны — Кама[1].
Һыу ресурстарының федераль агентлығы мәғлүмәте буйынса[1]:
- Дәүләт һыу реестрында һыу объектының коды — 10010201112111100023521
- Гидрологик өйрәнеү (ГӨ) буйынса коды — 111102352
- Бассейн коды — 10.01.02.011
- ГӨ буйынса һаны (номеры) — 11
- ГӨ буйынса сығарылыш — 1
Иҫкәрмәләр
Һылтанмалар
- Рәсәй Федерацияһы тәбиғәт ресурстары һәм экология министрлығы 2015 йылдың 26 май көнөндә архивланған.
Был — гидрология буйынса тамамланмаған мәҡәлә. Һеҙ, мәҡәләне төҙәтеп һәм тулыландырып, РУВИКИ проектына ярҙам итә алаһығыҙ
