Алтын миҙал
| Алтын миҙал | |
|---|---|
| Туранан-тура сәбәп булып тора | Q36593383? |
| Барлыҡҡа килгән, эшләнгән | Алтын |
 | |
| Уровень ниже | көмөш миҙал |
 РУВИКИ.Медиа файлдары | |
Алтын миҙал — бүләкләү өсөн ҡулланылған миҙалдарҙың бер төрө.
Ҡағиҙә булараҡ, ниндәй ҙә булһа ярышта беренсе урын алған йәки ниндәй ҙә булһа бәйгелә иң яҡшы күрһәткестәр өлгәшкән ҡатнашыусыға бирелә. Икенсе һәм өсөнсө урын алған еңеүселәр традицион рәүештә көмөш һәм бронза миҙалдар менән бүләкләнә.
Тарихы
Был награданың исеме миҙал эшләгәндә алтындың бер өлөшөн ялатыу йәки легирлау рәүешендә файҙаланыуҙан килә. Бындай айырма билдәһе тәүҙә хәрби эштә Урта быуаттарҙа барлыҡҡа килә, әммә ваҡыт үтеү менән, һуғышҡа бәйле булмаған ҡаҙаныштарҙы ла алтын миҙал менән билдәләй башлайҙар. Был хәрби өлкәлә аныҡ наградаларҙың барлыҡҡа килеүе менән бәйле (мәҫәлән, «Батырлыҡ өсөн» алтын ҡорал, «Алтын руно» ордены, «Алтын Йондоҙ» миҙалы һ. б.).
XVIII быуаттан башлап айырыуса яҡшы эшләгән сәнғәт эшмәкәрҙәре алтын миҙалдар менән бүләкләнә башлай. Император сәнғәт академияһы шулай уҡ Ҙур һәм Кесе алтын миҙалдар булдыра, улар менән архитекторҙарҙың, скульпторҙарҙың һәм рәссамдарҙың иң күренекле әҫәрҙәре билдәләнә.
Нобель премияһы лауреаттарына ла алтын миҙал тапшырыла, ул, шул уҡ исемдәге күпселек наградаларҙан айырмалы рәүештә, саф алтындан эшләнә.
Олимпия уйындары
Боронғо Олимпия уйындары ярыштарында олимпия наградаһы итеп миҙал бирелмәй, ул тик 1896 йылдағы Олимпия уйындарында ғына булдырыла; ул саҡта еңеүселәргә миҙалдар, ниндәй урын биләүҙәренә ҡарамаҫтан, көмөш була. 1904 йылғы Олимпия уйындарынан башлап беренсе өс урын өсөн алтын, көмөш һәм бронза миҙалдар тапшырыу йолаһы барлыҡҡа килә, һуңынан тиҙ арала башҡа бик күп спорт сараларына ла тарала.
Мәктәп алтын миҙалы
.jpg)
СССР-ҙа, Рәсәйҙә «Уҡыуҙа өлгәшкән айырым уңыштары өсөн» алтын миҙалы менән дәүләт (йомғаҡлау) аттестацияһын үткән, уҡыу планындағы бөтә предметтар буйынса ярты йыллыҡ, йыллыҡ һәм йомғаҡлау билдәһе «бишле» булған сығарылыш уҡыусылары наградлана.
Мәктәп алтын миҙалдары революцияға тиклемге Рәсәйҙә үк барлыҡҡа килә; улар «Гимназия Уставы» нигеҙендә 1828 йылда булдырыла[1].
Шулай уҡ ҡарағыҙ
Иҫкәрмәләр
- ↑ «Золотая медаль» // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
Әҙәбиәт
- Косарева А. В. Искусство медали: Книга для учителя. — 2-е изд., доп и перераб. — М.: Просвещение. 1982. — 127 с.
- Максимов М. М. Очерк о золоте. — 2-е изд., перераб и доп. — М.: Недра, 1988. — 112 с.
Һылтанмалар
- Дизайн олимпийских медалей Архивная копия от 21 июль 2009 на Wayback Machine
 |
|---|
