Баянов Рим Ғәли улы
| Баянов Рим Галеевич | |
|---|---|
| Р. Баянов. Салауат башҡорт драма театры спектакленән күренеш. Р. Баянов. Салауат башҡорт драма театры спектакленән күренеш. | |
| Тыуған көнө | 15 ғинуар 1930 (95 йәш) |
| Тыуған урыны | Башҡорт АССР-ы Бәләбәй кантоны (хәҙер Башҡортостан Республикаһының Саҡмағош районы) Саҡмағош ауылы |
| Вафат булған көнө | 10 февраль 1996 (66 йәш) |
| Вафат булыу урыны | |
| Гражданлығы |
 СССР → Рәсәй Федерацияһы |
| Һөнәр |
актёр |
| Театр | Салауат башҡорт дәүләт драма театры |
| Наградалары |
 |
Баянов Рим Ғәли улы (15 ғинуар 1930 йыл — 10 февраль 1996 йыл) — башҡорт театр актёры, режиссёр. Башҡорт АССР-ының халыҡ артисы (1980).
Биографияһы
Рим Ғәли улы Баянов 1930 йылдың 15 ғинуарында Башҡорт АССР-ының Бәләбәй кантоны (хәҙер Башҡортостан Республикаһы Саҡмағош районы) Саҡмағош ауылында тыуған.
1950 йылда Өфө ҡалаһында Башҡорт театр сәнғәт училищеһен (педагогы К. Ф. Ғәҙелшина) тамамлай.
1953 йылдан башлап 1990 йылға тиклем Салауат башҡорт дәүләт драма театрында актёр, 1969—1975 йылдарҙа режиссёр һәм баш режиссёр булып эшләй. 1972—1974 йылдарҙа театрҙың директоры вазифаһын башҡара, 1985—1990 йылдарҙа — әҙәбиәт бүлеге мөдире.
Режиссёр булараҡ, Ибраһим Абдуллин, Кәбир Аҡбашев, Нәжиб Асанбаев, Әсғәт Мирзаһитов, Мөхәммәт Хәйҙәров һәм башҡаларҙың драмалары буйынса спектаклдәр ҡуя.
Спектаклдәрҙәге ролдәре
Гәрәй («Райхан», Нәҡи Иҫәнбәт; дебют, 1953), Фәхри («Ҡара йөҙҙәр», Ғ. Әмири һәм В. Г. Ғәлимов, М. Ғафури повесы буйынса), Бәхтигәрәй (шул исемдәге драма), Тайфур («Әсәләр көтәләр улдарын»" — икеһе лә — Әсғәт Мирзаһитовтыҡы), Дәрүиш («Ай тотолған төндә»), Умар («Ырғыҙ»" — Һәҙиә Дәүләтшина романы буйынса), Нәжми («Сәйер кеше», Назим Хикмәт), Бергойн («Иблес шәкерте» — «Ученик дьявола», Бнернард Шоу), Эзоп Рәсәйҙә («Ҡол Эзоп») — «Раб Эзоп» «Төлкө һәм виноград» Г. Фигейред пьесаһы буйынса).
Әҙәбиәт
- Әхмәтшин Ғ. Ғ. Салауат театры. Өфө, 1967.
- Сабитов М. А. Йылдар үрҙәргә юллата. Салауат башҡорт дәүләт драма театры: Очерктар. Өфө, 1993.
Маҡтаулы исемдәре һәм башҡа бүләктәре
- Башҡорт АССР-ының халыҡ артисы (1980)
- Башҡорт АССР-ының атҡаҙанған артисы (1974.)
Һылтанмалар
- http://www.gasrb.ru/histm37.html 2016 йылдың 4 март көнөндә архивланған.
- Башкирская энциклопедия 2014 йылдың 21 февраль көнөндә архивланған.
- 15 ғинуарҙа тыуғандар
- 1930 йылда тыуғандар
- 10 февралдә вафат булғандар
- 1996 йылда вафат булғандар
- Салауатта вафат булғандар
- Алфавит буйынса шәхестәр
- Алфавит буйынса актёрҙар
- СССР актёрҙары
- Рәсәй актёрҙары
- XX быуат актёрҙары
- Башҡорт АССР-ының халыҡ артистары
- Башҡортостан артистары
- Башҡортостандың атҡаҙанған артистары
- Башҡортостандың халыҡ артистары
- Шәхестәр:Салауат башҡорт дәүләт драма театры