Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Безценный Виктор Николаевич

Виктор Николаевич Безценный (1924 йылдың 20 июле, Макеевка[d], Донецкая губерния[d] — 1976 йылдың 2 декабре, Макеевка[d], Донецк өлкәһе) — Бөйөк Ватан һуғышында ҡатнашыусы, уҡсылар полкының взвод командиры, гвардия өлкән лейтенанты (1944). Советтар Союзы Геройы (1943).

Биографияһы

Безценный Виктор Николаевич 1924 йылдың 20 июлендә Дмитриевск ҡалаһында (хәҙер Донецк Халыҡ Республикаһының Макеевка ҡалаһы) тыуған[1].

Тулы булмаған урта белемле. 1941 йылдың февраленән Башҡорт АССР-ы, хәҙер Башҡортостан Республикаһы, Иглин районының Иглин ауылында йәшәгән, бында уҡыуын дауам иткән, колхозда эшләгән[1].

1942 йылдан Ҡыҙыл Армия сафында хеҙмәт итә. 1943 йылда Өфө хәрби пехота училищеһын тамамлай[2].

1943 йылдың майынан Үҙәк, Белоруссия һәм 1-се Белоруссия фронттарында һуғыша. 65-се армия 193-сө уҡсылар дивизияһы 865-се уҡсылар полкының взвод командиры лейтенант Виктор Николаевич Безце́нный «Советтар Союзы Геройы» исеменә 1943 йылдың 15 октябрендә Днепр йылғаһын аша сыҡҡанда күрһәткән батырлығы өсөн лайыҡ була. Уның взводы Белорус ССР-ының ҡала тибындағы Лоев ҡасабаһы эргәһендә Днепрҙың уң яҡ ярында плацдармды һаҡлап ҡала[2].

1945 йылда демобилизацияланғандан һуң — Макеевка һәм Мукачево ҡалаларында прокурор ярҙамсыһы, Луганск ҡалаһында адвокат булып эшләй. 1950 йылдан КПСС ағзаһы.

1976 йылдың 2 декабрендә вафат була. Макеевка ҡалаһы зыяратында ерләнә[1].

Маҡтаулы исемдәре һәм башҡа бүләктәре

  • Советтар Союзы Геройы (1943)
  • «Алтын Йондоҙ» миҙалы (№ 1520)(30.10.1943)[3]
  • Ленин ордены (1943)[3]

Хәтер

  • Башҡортостан Республикаһы Хөкүмәтенең 2020 йылдың 2 октябрендәге 585-се Ҡарары менән Виктор Николаевич Безценныйҙың исеме Башҡортостан Республикаһы Иглин районы муниципаль (рус.)баш. районының Иглин ауылы 1-се урта дөйөм белем биреү мәктәбе муниципаль дөйөм белем биреү бюджет учреждениеһына бирелә[4];
  • Иглин ҡасабаһында Геройҙың бюстары ҡуйылған: 2002 йылда Е. Иглина исемендәге паркта, 2005 йылда — ул уҡыған 1-се урта мәктәп бинаһы эргәһендә[1];
  • Безценный Виктор Николаевич исемен Макеевка ҡалаһы урамы йөрөтә[1].

Иҫкәрмәләр

  1. ↑ 1 2 3 4 5 И. Ғ. Кәримова. Безценный Виктор Николаевич (башҡ.). «Башҡортостан» төбәк интерактив энциклопедик порталы (10 октябрь 2019). Мөрәжәғәт итеү датаһы: 7 февраль 2026. (баш.)
  2. ↑ 1 2 Н. В. Уфаркин. Безценный Виктор Николаевич. Международный патриотический интернет проект «Герои страны». Мөрәжәғәт итеү датаһы: 7 февраль 2026. (рус.)
  3. ↑ 1 2 Безценный Виктор Николаевич. Проект Министерства обороны Российской Федерации «Память народа». Мөрәжәғәт итеү датаһы: 7 февраль 2026.
  4. ↑ Постановление Правительства Республики Башкортостан от 2 октября 2020 года № 585 «О присвоении общеобразовательным организациям Республики Башкортостан имен Героев Советского Союза, Героев Российской Федерации и выдающихся деятелей Республики Башкортостан». Правительство Республики Башкортостан (2 октябрь 2020). Мөрәжәғәт итеү датаһы: 7 февраль 2026. (рус.)

Әҙәбиәт

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Кизин Ю. Порыв //Славные сыны Башкирии. Кн.3. Уфа, 1968.

Һылтанмалар

Категориялар