Вәлиев Салауат Мөҙәрис улы

Салауат Мөҙәрис улы Вәлиев (рус. Салават Мударисович Валеев; 1980 йылдың 12 июле, Лағыр, Башҡорт АССР-ы) — Рәсәй актёры, Арыҫлан Мөбәрәков исемендәге Сибай башҡорт дәүләт драма театры артисы, Башҡортостан Республикаһының атҡаҙанған артисы (2022).

1980 йылдың 12 июлендә Башҡортостандың Салауат районы Лағыр ауылында тыуа. Урта мәктәпте тамамлағандан һуң, Өфө дәүләт сәнғәт академияһына уҡырға инә (1997), Башҡортостандың атҡаҙанған сәнғәт эшмәкәре Фәрдүнә Ҡасимова төркөмөндә белем ала. Төркөм Сибай ҡалаһының «Сулпан» балалар театры өсөн махсус тупланған курс була. 2001 йылда юғары уҡыу йортоноң тетар бүлеген уңышлы тамамлап, хеҙмәт юлын Сибайҙа башлай. 2008 йылдан бөгөнгә тиклем Арыҫлан Мөбәрәков исемендәге Сибай башҡорт дәүләт драма театры артисы^[1]^[2].

Хәлил — Туфан Миңнуллин, «Һөйәркә»;
Нурғәзиз — Туфан Миңнуллин, «Диуана»;
Дәүләтбай — Мостай Кәрим, «Ҡыҙ урлау»;
Зөлфәт — Айгөл Әхмәтғәлиева, «Ул бит кисә ине»;
Әбүзәр — Аяз Ғиләжев, «Ҡар аҫтында ҡайнар шишмә»;
Ҡылысбай — Арыҫлан Мөбәрәков, «Бисәкәй»
Ғәббәс — Лира Яҡшыбаева, «Әүлиә» һ.б.^[2].

Сибай башҡорт дәүләт драма театрының профсоюз ойошмаһы рәйесе^[2].

Өйләнгән, хәләл ефете менән ҡыҙ һәм ул үҫтерә^[2].

Башҡортостан Республикаһының атҡаҙанған артисы (2022)^[3];
Мәҙәниәт хеҙмәткәрҙәренең Бөтә Рәсәй һөнәри берлеге Башҡортостан Республикаһы ойошмаһының Маҡтау ҡағыҙы (2021).