Дилмөхәмәтова Әнисә Хәйретдин ҡыҙы
Дилмөхәмәтова Әнисә Хәйретдин ҡыҙы (рус. Дильмухаметова Аниса Хайретдиновна; 1933 йылдың 27 ноябре, Иглин, Иглин районы, Башҡорт АССР-ы, СССР — 2015 йылдың 12 авгусы, Өфө, Башҡортостан Республикаhы, Рәсәй) — театр актёры, драматург. 1954—1989 йылдарҙа хәҙерге Мәжит Ғафури исемендәге Башҡорт дәүләт академия драма театры актрисаһы. 1954 йылдан СССР Театр эшмәкәрҙәре союзы ағзаһы. Башҡорт АССР-ының атҡаҙанған артисы (1972)[1].
Биографияһы
1933 йылдың 27 ноябрендә Башҡорт АССР-ының Өфө районы Мерәй ауылында (хәҙер Башҡортостан Республикаһының Иглин районы Иглин ауылы составында) тыуған[1].
1952 йылда Башҡортостан театр‑художество училищеһын тамамлағандан һуң (Х. Бохарский курсы) — Баймаҡ колхоз‑совхоз театры, 1954—1989 йылдарҙа Башҡорт академия драма театры артисы[1].
2011 йылда Башҡорт дәүләт академия драма театрында уның «Артур + Нэнси» пьесаһы буйынса спектакль ҡуйыла[2].
2015 йылдың 12 авгусында Өфө ҡалаһында вафат була[2][3]. Өфөлә ерләнә[2].
Ролдәре
- Луиза — «Мәкер һәм мөхәббәт», Ф. Шиллер (1952, дебют, БАДТ);
- Ләлә — «Аҫылйәр», М. Фәйзи;
- Дилбәр — «Йырланмаған йыр», М. Кәрим.
- Любовь Шевцова — «Батырҙар», В. Ғ. Ғәлимов инсценировкаһы, А. А. Фадеевтың «Йәш гвардия» романы буйынса;
- Пальмира — «Мөхәммәт. Нур һәм шәүлә», Вольтерҙың «Магомет» пьесаһы буйынса;
- Алиман — «Әсә, Ер‑әсә», Л. В. Вәлиев инсценировкаһы, С. Т. Айытматовтың «Әсә — Ер‑әсә» повесы буйынса[1][4].
Ижады
«Йософ һәм Алмаҡай», «Йылан ҡабығы», «Артур + Нэнси», «Ҡаһым түрә» (И. И. Дилмөхәмәтов менән авторҙашлыҡта) һәм башҡа пьесалар авторы[1].
Ғаиләһе
- Ире — Ишмулла Дилмөхәмәтов, ҡурайсы, йырсы, актёр. РСФСР-ҙың атҡаҙанған артисы (1975), БАССР-ҙың халыҡ артисы (1973);
- Ҡыҙы — Шәүрә Дилмөхәмәтова (1961), актриса, Башҡортостан Республикаһының халыҡ артисы (1996);
- Ейәнсәре — Айым. 2007 йылда М. С. Щепкин исемендәге Юғары театр училищеһын (рус.)баш. (институт) тамамлаған.
Маҡтаулы исемдәре һәм башҡа бүләктәре
- Башҡорт АССР-ының атҡаҙанған артисы (1972)[1]/
Иҫкәрмәләр
- ↑ 1 2 3 4 5 6 С. С. Саитов. Дильмухаметова Аниса Хайретдиновна // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.
- ↑ 1 2 3 На 82 году из жизни ушла заслуженная артистка БАССР Аниса Дильмухаметова. Bash.News (13 август 2015). Мөрәжәғәт итеү датаһы: 14 июль 2026.
- ↑ На 82 году из жизни ушла заслуженная артистка БАССР Аниса Дильмухаметова. Башкирский академический театр драмы им. М. Гафури. Мөрәжәғәт итеү датаһы: 14 июль 2026.
- ↑ Аниса Дильмухаметова. kino-teatr.ru. Мөрәжәғәт итеү датаһы: 14 июль 2026.
Һылтанмалар
- С. С. Саитов. Дильмухаметова Аниса Хайретдиновна // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.
- Некролог. Башҡорт дәүләт академия драма театры сайты
Тема буйынса өҫтәмә
 |
|---|
