Йомағолов Илшат Хәлил улы
Илшат Хәлил улы Йомағолов (рус. Ильшат Халилович Юмагулов; 1932 йылдың 26 феврале, Тимербай, Көйөргәҙе районы, Башҡорт АССР-ы, СССР — 2007 йылдың 6 ноябре, Өфө, Башҡортостан Республикаhы, Рәсәй) — совет башҡорт театр актёры, драматург, юғары мәктәп уҡытыусыһы. 1953 йылдан СССР Театр эшмәкәрҙәре союзы, 1989 йылдан — СССР Яҙыусылар союзы ағзаһы. РСФСР‑ҙың (1979) һәм Башҡорт АССР-ының (1976) атҡаҙанған артисы.
Биографияһы
1932 йылдың 26 февралендә Башҡорт АССР-ының Көйөргәҙе районы Тимербай ауылында тыуған.
1952 йылда Өфө сәнғәт училищеһының театр факультетын тамамлай, аҙаҡ М. Ғафури исемендәге Башҡорт дәүләт академия театрында актёр булып 1988 йылғаса эшләй.
1959 йылда Мәскәүҙәге А. В. Луначарский исемендәге Дәүләт театр сәнғәте институтын тамамлай. 1971 йылдан 1975 йылғаса Ғәлиәскәр Камал исемендәге татар дәүләт академия театрында эшләп ала.
1962 йылдан 1966 йылғаса Өфө сәнғәт училищеһында художество етәксеһе була, 1982 йылдан 1990 йылғаса Өфө дәүләт сәнғәт иниститутында уҡыта. 1990 йылда Стәрлетамаҡ театр берлегендә эшләй.
2007 йылдың 6 ноябрендә вафат була.
Билдәле ролдәре
Актёр башҡорт театры сәхнәһендә 50-нән ашыу образ ижад итә, шулай уҡ кино сәнғәтендә лә бик уңышлы эшләй, теле-радиоспектаклдәрҙә тиҫтәләрсә роль уйнай.
- Макбет (У. Шекспир)
- Никита (Л. Н. Толстой)
- Протасов («Живой труп», Л. Н. Толстой)
- Треплев («Чайка», А. П. Чехов)
- Иванов («Иванов», А. П. Чехов)
- Закир («Ҡара йөҙҙәр», М. Ғафури)
- Аҡйегет («Ай тотолған төндә», М. Кәрим) һ. б.
Әҙәби ижады
Йомағолов тиҫтәләгән пьеса («Тылсымлы моң», «Нәркәс», «Сәсәндәр» һ.б.) авторы. Уның «Нәркәс» трагедияһы 1974 йылда СССР халыҡтарының драматургия фестиваленең 1-се дәрәжә дипломына лайыҡ була[1].
Маҡтаулы исемдәре һәм башҡа бүләктәре
- РСФСР-ҙың атҡаҙанған артисы (1979);
- Башҡорт АССР-ының атҡаҙанған артисы (1976).
Ғаиләһе
- Ҡатыны — Рәмзиә Хисамова (1947), совет, Рәсәй актрисаһы. Башҡорт АССР-ының атҡаҙанған (1980) һәм халыҡ артисы (1989).
- Улы — Айсыуаҡ Йомағолов[2], Башҡорт дәүләт академия драма театры артисы, режиссёр[3]; 2010 йылда Башҡортостан Республикаһының Кинематографистар союзы етәксеһе итеп һайлана.
- Ҡыҙы — Айһылыу Йомағолова, Башҡорт дәүләт академия драма театры артисы. Башҡортостан Республикаһының атҡаҙанған артисы (2024)[4].
Иҫкәрмәләр
- Йомағолов Илшат Хәлил улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.
- Лариса Абдуллина. Талант һәм фиҙаҡәрлек // Башҡортостан : гәзит. — 04.04.2012.
- Информация на kino-teatr.ru
- ↑ Актёр, драматург Илшат Йомағоловтың тыуыуына 80 йыл
- ↑ Айсыуак Юмагулов хочет поймать свой ветер МедиаКорСеть. Мөрәжәғәт итеү датаһы: декабрь 2013. 2013 йылдың 7 декабрь көнөндә архивланған. (рус.)
- ↑ Юмагулов Айсыуак Ильшатович. bashdram.ru. Мөрәжәғәт итеү датаһы: 21 июль 2026.
- ↑ Юмагулова Айсылу Ильшатовна. bashdram.ru. Мөрәжәғәт итеү датаһы: 21 июль 2026.