Индейҙар резервациялары

Индейҙар резервациялары (рус. Индейская резервация, ингл. An American Indian reservation) — АҠШ-та, Канадала һәм Көньяҡ Америкала индеецтар төркөмө (ауыл, ҡәбилә) өсөн йәшәү һәм файҙаланыу өсөн бүленгән, ҡәбилә идара иткән һәм ҡайһы берҙә уларҙың милке булған территория.

Был атама АҠШ властары индеецтарҙы үҙҙәре менән килешеү төҙөргә мәжбүр иткән йәки күндергән ваҡытта барлыҡҡа килгән. Уға ярашлы, улар үҙҙәренең аҫаба ерҙәренең күп өлөшөнән баш тарта, бер өлөшөн үҙ файҙаланыуында һаҡлап ҡала. Әммә резервацияны булдырыу өсөн алдан килешеү һәр ваҡыт төҙөлмәй. Мәҫәлән, Оклахомала уларҙы үҙ ерҙәренән ситкә күсергә мәжбүр итәләр.

1925 йылдан ҡәбилә вәкилдәре Ҡушма Штаттар гражданы булып тора һәм йәшәү урынын ирекле һайлай ала. Резервациялар территорияһында ҡайһы бер федераль закондарҙың ғәмәлдә булыуы сикләнә, ҡәбилә ғөрөф-ғәҙәт, йола буйынса йәшәй, үҙҙәренең мәҙәниәтен һаҡлай.

Һәр резервацияла ергә эйә булыу хоҡуғы федераль сәйәсәт менән билдәләнә. Ҡайһы бер ерҙәр ҡәбиләгә түгел, ә индеецтарҙың айырым вәкилдәренә йәки хатта индеец булмағандарға ҡарай. 330 резервацияның яҡынса яртыһында ер шәхси милеккә күсә алмай.