Йәғәфәров Ғибат Зиннәт улы

Ғибат Зиннәт улы Йәғәфәров 1924 йылдың 22 февралендә БАССР-ҙың Йылайыр кантоны Үрге Нөгөш ауылында (хәҙер Башҡортостан Республикаһы Бөрйән районы Үрге Нөгөш ауылы) тыуған.

Ғибат Йәғәфәров Бөрйән РВК-һы тарафынан 1942 йылдың 17 авгусында Ҡыҙыл Армия сафына алына. Һуғышта тәүҙә рядовой, һуңынан өлкән лейтенант дәрәжәһендә 268-се гвардия зенит артиллерия полкында хеҙмәт итә^[1].

Ғибат Зиннәт улы Өфө Юғары партия мәктәбен тамамлай (1958).

Хеҙмәт юлы

• 1939—1942 йылдарҙа «Ҡызыл Байраҡ» колхозында эшләй
• 1945 йылдан алып һәм 1951 йылға тиклем — Ғәлиәкбәр 7 йыллыҡ мәктәбе уҡытыусыһы
• 1946 йылдан алып ВЛКСМ-дың район комитеты 1-се секретары^[2]
• 1950 йылдан алып балалар йорто (Берәтәк ауылы) директоры
• 1953 — 54 йылдарҙа. КПСС райкомының ойоштороу һәм инструкторҙар бүлеге
• 1958 йыл — пропаганда һәм агитация бүлеге мөдире
• 1959 йыл — район советы башҡарма комитеты рәйесе урынбаҫары
• 1963 йылда Бөрйән районы (Белорет ҡалаһы) буйынса инспектор-парторг, һуңыраҡ. «Маяҡ» колхозы рәйесе (Белорет районы), партия комитетының инструктор-лекторы
• 1964 йылдан алып Бөрйән сәнәғәт комбинаты директоры
• 1965 йылдан КПСС-тың Бөрйән район комитетының ойоштороу бүлеге мөдире
• 1974 йылдан Иҫке Собханғол урта мәктәбе уҡытыусыһы
• 1977 йылдан алып район халыҡ мәғарифы бүлегенең ситтән тороп уҡыу бүлеге мөдире
• 1978 — 1984 йылдарҙа район көндөҙгө-ситтән тороп уҡыу урта мәктәбе директоры

Ғибат Зиннәт улы Йәғәфәров 2002 йылдың 28 октябрендә Иҫке Собханғол ауылында вафат була һәм Иҫке Собханғол ауылы зыяратында ерләнә^[3].

• Улы — Йәғәфәров Б. Ғ.

• Ӏ дәрәжә Дан ордены (1985)
• «Батырлыҡ өсөн» миҙалы (1944)
• [[«1941—1945 йылдарҙағы Бөйөк Ватан һуғышында Германияны еңгән өсөн» миҙалы|«1941—1945 йылдарҙағы Бөйөк Ватан һуғышында Германияны еңгән өсөн» миҙалы (1945)
• Владимир Ильич Лениндың тыуыуына 100 йыл тулыу айҡанлы «Намыҫлы хеҙмәт өсөн» миҙалы (1970)
• Хеҙмәт ветераны