Ғөбәйҙуллин Миңлеғәли Хәбибулла улы
Файл:Губайдуллин Миннигали Хабибуллович.jpg
Миңлеғәли Ғөбәйҙуллин
Ғөбәйҙуллин Миңлеғәли Хәбибулла улы (28 октябрь 1923 йыл[2] — 8 март 1944 йыл) — Бөйөк Ватан һуғышында, кәүҙәһе менән дошман амбразураһын ҡаплап, батырҙарса һәләк булған яугир, уҡсылар полкының пулемёт взводы командиры, гвардия лейтенанты. Советтар Союзы Геройы (1944, үлгәндән һуң)[3].
Биографияһы
Миңлеғәли Хәбибулла улы Ғөбәйҙуллин 1923 йылдың 28 октябрендә[2] Башҡорт АССР-ының Бәләбәй кантоны[4] Өршәкбаш-Ҡарамалы ауылында тыуған.
1940—1941 йылдарҙа Баҡы ҡалаһындағы нефть техникумында уҡый. 1942 йылда Буйнак пехота училищеһын тамамлағандан һуң Төньяҡ Кавказ фронтында хәрби хәрәкәттәрҙә ҡатнаша. 1943 йылдың авгусында Көньяҡ фронттың (октябрҙән 4-се Украина фронты) 28-се армия 109-сы гвардия уҡсылар дивизияһының 309-сы гвардия уҡсылар полкы пулемёт взводы командиры. 1944 йылдың 8 мартында Украина ССР-ы Херсон өлкәһе Нововоронцов районыны Дудчаны ауылы[5]) өсөн барған бәрелештә дошман дзоты амбразураһын үҙ кәүҙәһе менән ҡаплай.
Ошо батырлығы өсөн гвардия лейтенанты Ғөбәйҙуллинға Советтар Союзы Геройы исеме бирелә[6]. Ленин ордены (03.06.1944), Ҡыҙыл Йондоҙ (13.02.1944)[7] ордены менән наградланған.
Хәтер
- Өфө һәм Борислав ҡалаларында, Дудчаны ауылы урамдарына, Өфөләге бер кинотеатрға Ғөбәйҙуллин исеме бирелгән.
- Миәкә районының Өршәкбаш-Ҡарамалы, Ҡырғыҙ-Миәкә ауылдарында, Херсон өләһендә һәм Өфөлә уға һәйкәлдәр ҡуйылған.
Әҙәбиәттә
Яныбай Хамматов. «Тыуған көн» (роман). — Өфө: «Китап», 2021. — С. 332 б.б..
Иҫкәрмәләр
- ↑ Башкирская энциклопедия (урыҫ) — Башкирская энциклопедия, 2005. — 4344 с. — ISBN 978-5-88185-053-1
- ↑ 1 2 Башҡа мәғлүмәттәр буйынса 1921 йылдың 8 мартында.
- ↑ http://www.warheroes.ru/hero/hero.asp?Hero_id=1467
- ↑ Хәҙерге Башҡортостан Республикаһы Миәкә районы
- ↑ ОБД Мемориал|55803250
- ↑ Наградные документы «Халыҡ батырлығы» мәғлүмәт электрон базаһында
- ↑ Наградные документы «Халыҡ батырлығы» мәғлүмәт электрон базаһында
Әҙәбиәт
- Рафиков З. Горицветы //Славные сыны Башкирии: Очерки о Героях Советского Союза. Кн. 2. — Уфа, 1966;
- Хамматов Я. День рождения. — М., 1979.
Һылтанмалар
- Ғөбәйҙуллин Миңлеғәли Хәбибулла улы. «Герои страны» сайты.
- Ғөбәйҙуллин Миңлеғәли Хәбибулла улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 6 март 2021)
- Ғөбәйҙуллин Миңлеғәли Хәбибулла улы. Республика Хәрби Дан музейы. Мөрәжәғәт итеү датаһы: 25 апрель 2016.
- Башҡортостан. Ҡыҫҡа энциклопедия. «Башҡорт энциклопедияһы» ғилми нәшриәте. — Өфө, 2007.
- / Миякинский район Георй Советского Союза Минигали Губайдуллин