Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Сафин Янис Әлфир улы

РУВИКИ интернет-энциклопедияһында Сафин фамилиялы башҡа кешеләр тураһында мәҡәләләр бар.

Янис Әлфир улы Сафин (рус. Янис Альфирович Сафин; 1988 йылдың 17 ғинуары, Ишембай, Башҡорт АССР-ы) — Рәсәй шашкасыһы һәм тренеры. Шашка буйынса Рәсәйҙең спорт мастеры (2017)[1].

Биографияһы

Шашка менән ете йәшендә шөғөлләнә башлай. Тәүге тренеры — әсәһе Гөлнара Зәки ҡыҙы Сафина. Ун бер йәшендә спорт мастерлығына кандидат разрядын ала. Ун биш йәшенән Владимир Мильшин етәкселегендә шөғөлләнә[2].

Ишембайҙың 11-се мәктәбен тамамлағандан һуң Стәрлетамаҡ физик культура колледжына уҡырға инә. Хәрби хеҙмәтен Алыҫ Көнсығышта үтәй[2].

Спорт карьераһы

Башҡортостан Республикаһы өсөн сығыш яһай[3].

2018 йылда рус шашкалары буйынса Рәсәй чемпионатының тиҙ уйын программаһында һәм йөҙ шаҡмаҡлы шашкалар буйынса Рәсәй кубогының йәшен тиҙлегендәге уйын программаһында көмөш призёр була[4].

2020 йылда Башҡортостан Республикаһы йыйылма командаһы составында йөҙ шаҡмаҡлы шашкалар буйынса Рәсәй команда чемпионатының тиҙ уйын программаһында еңеүсе һәм йәшен тиҙлегендәге уйын программаһында көмөш призёр була[5].

2021 йылда А. Георгиев һәм М. Амриллаев менән бергә Башҡортостан Республикаһының беренсе йыйылма командаһы составында рус шашкалары буйынса Рәсәй команда чемпионатының йәшен тиҙлегендәге уйын программаһында еңә[6].

2024 йылда Волга буйы федераль округы чемпионатында йөҙ шаҡмаҡлы шашкалар буйынса ике көмөш миҙал яулай — тиҙ һәм йәшен тиҙлегендәге уйын программаларында. Рус шашкалары буйынса ярыштарҙың тиҙ уйын программаһында көмөш, йәшен тиҙлегендәге уйын программаһында бронза призёр була[7].

2025 йылда йөҙ шаҡмаҡлы шашкалар буйынса Рәсәй кубогының классик программаһында бронза призёр була[8].

2026 йылда Башҡортостан Республикаһы йыйылма командаһы составында йөҙ шаҡмаҡлы шашкалар буйынса Рәсәй команда чемпионатының тиҙ һәм йәшен тиҙлегендәге уйын программаларында еңә[9]. Шул уҡ йылдың авгусында А. Г. Шуб иҫтәлегенә үткәрелгән «Ырымбур далаһы — 2026» рус шашкалары буйынса Бөтә Рәсәй ярыштарының тиҙ уйын программаһында еңә[10] һәм йәшен тиҙлегендәге уйын программаһында икенсе урын ала[11].

Тренерлыҡ эшмәкәрлеге

2012 йылда Ишембайҙағы шашка буйынса спорт мәктәбендә тренер булып эшләй башлай[2].

Уның тәрбиәләнеүселәре араһында — 2024 йылда 14 йәшкә тиклемге ҡыҙҙар араһында шашка-64 буйынса Европа беренселегенең тиҙ уйын программаһында еңеүсе һәм йәшен тиҙлегендәге уйын программаһында бронза призёр Софья Степанова[12].

Маҡтаулы исемдәре һәм башҡа наградалары

  • Шашка буйынса Рәсәйҙең спорт мастеры — исем Рәсәй Спорт министрлығының 2017 йылдың 6 апрелендәге 43 нг һанлы бойороғо менән бирелә[1].
  • «Башҡортостан Республикаһының иң яҡшы тренеры» маҡтау билдәһе (2024)[2].

Иҫкәрмәләр

  1. ↑ 1 2 Приказ Минспорта России от 6 апреля 2017 года № 43 нг «О присвоении спортивного звания „Мастер спорта России“» (PDF). Министерство спорта Российской Федерации (6 апрель 2017). Мөрәжәғәт итеү датаһы: 7 сентябрь 2026.
  2. ↑ 1 2 3 4 Гөлнора Йәмилева. Шашкаһыҙ тормошомдо күҙ алдыма ла килтерә алмайым (башҡ.). Торатау (5 март 2025). Мөрәжәғәт итеү датаһы: 7 сентябрь 2026.
  3. ↑ Рейтинг-лист Федерации шашек России на 1 января 2026 года с изменениями от 3 января 2026 года (XLSX). Федерация шашек России. Мөрәжәғәт итеү датаһы: 7 сентябрь 2026.
  4. ↑ Чемпионат России и Кубок России по шашкам в Сочи. Федерация шашек России (4 октябрь 2018). Мөрәжәғәт итеү датаһы: 7 сентябрь 2026.
  5. ↑ Кубок России и командный чемпионат России по стоклеточным шашкам 2020. Федерация шашек России (14 декабрь 2020). Мөрәжәғәт итеү датаһы: 7 сентябрь 2026.
  6. ↑ Командный чемпионат России по русским шашкам 2021. Федерация шашек России (6 апрель 2021). Мөрәжәғәт итеү датаһы: 7 сентябрь 2026.
  7. ↑ Итоги чемпионата и первенства ПФО 2024. Федерация шашек России (16 сентябрь 2024). Мөрәжәғәт итеү датаһы: 7 сентябрь 2026.
  8. ↑ Итоги: Кубок России по стоклеточным шашкам 2025. Федерация шашек России (3 октябрь 2025). Мөрәжәғәт итеү датаһы: 7 сентябрь 2026.
  9. ↑ Итоги: чемпионат России, командный чемпионат России по стоклеточным шашкам 2026. Федерация шашек России (11 апрель 2026). Мөрәжәғәт итеү датаһы: 7 сентябрь 2026.
  10. ↑ Итоги: Всероссийские соревнования «Оренбургская степь — 2026» памяти А. Г. Шуба. Федерация шашек России (21 август 2026). Мөрәжәғәт итеү датаһы: 7 сентябрь 2026.
  11. ↑ Всероссийские соревнования «Оренбургская степь — 2026». Молниеносная программа. Итоговая таблица. Федерация шашек России. Мөрәжәғәт итеү датаһы: 7 сентябрь 2026.
  12. ↑ Эдуард Кускарбеков. Шашистка из Башкирии Софья Степанова стала лучшей на международном турнире. Башинформ (22 апрель 2024). Мөрәжәғәт итеү датаһы: 7 сентябрь 2026.

Һылтанмалар

Тема буйынса өҫтәмә

Категориялар