Сергеева Ольга Михайловна

Ольга Сергеева 1965 йылдың 5 мартында Башҡортостан Республикаһының Белорет ҡалаһында тыуған. Дүрт йәшендә етәксеһе Н. А. Лобков булған ҡала хорында йырлай башлай^[3].

Уҡытыусы Ольга Каретникованың фортепиано класы буйынса Белорет музыка мәктәбен тамамлай^[4], һуңынан — М. И. Глинка исемендәге Магнитогорск музыка училищеһының хор һәм вокал бүлектәрен. 10 йыл Магнитогорскиҙың хор капеллаһында йырлай^[5].

1997 йылда Гнесиндар исемендәге Рәсәй музыка академияһының вокаль факультетын тамамлай (Зара Долуханова класын)^[6].

1998 йылдан 2000 йылға тиклем Мәскәүҙең «Яңы опера» театры солисы була, унда Тамара («Демон») һәм Феврония («Күренмәгән Китеж ҡалаһы һәм Феврония ҡыҙ тураһында хикәйәт») партияларын башҡара.

2000 йылдың мартында Ҙур театрҙа Аида партияһын (Дж. Вердиҙың «Аида»һы) башлап йырлай. Шул уҡ йылда Мария театрының опера труппаһына ҡабул ителә, Вагнер репертуарында төп солист була^[7].

2001 йылда Мария театры труппаһы составында йырсы Ковент-Гарден король опера театры сәхнәһендә сығыш яһай, Амелия («Бал-маскарад»), Аида («Аида») һәм Леди Макбет («Макбет») партияларын башҡара.

2002 йылда Лиссабон опера театрында Кума («Чародейка») партияһын башҡара (дирижер Золтан Песко).

2004 йылда Нью-Йоркта Метрополитен-опера сәхнәһендә Брунгильда партияһында («Валькирия», Зигмунд — Пласидо Доминго, дирижеры — Валерий Гергиев) тәүгә сығыш яһай, 2005 йылда шул уҡ партияны Париждың Шатле театры сәхнәһендә башҡара (дирижер Кристоф Эшенбах).

2006 йылда Лондондың Альберт-холында һәм Мадридта Кристоф Эшенбах етәкселегендәге Париж симфоник оркестры менән «Зигфрид» операһында Брунгильда партияһында сығыш яһай. Шул уҡ йылдан Мария театры труппаһы составында Рихард Вагнерҙың «Нибелунгтар ҡулсаһы» тетралогияһы менән Токиола, Лондонда (Ковент-Гарден), Сеулда, Мәскәүҙә (Ҙур театр), Нью-Йоркта (Метрополитен-опера), Германияла (Баден-Баден фестивалендә) гастролдәрҙә була.

2008 йылда Мадридта «Тоска» операһында Тоска партияһын башҡара (дирижер Валерий Гергиев).

2019 йылда ХХХVII Ф. И. Шаляпин исемендәге халыҡ-ара опера фестивален асыу тантанаһында Муса Йәлил исемендәге Татар дәүләт академия опера һәм балет театры тарафынан тәҡдим ителгән Николай Римский-Корсаковтың «Батша кәләше» операһының премьераһында Любаша партияһын башҡара (Лев Мей драмаһы буйынса композиторҙың үҙенең һәм Ильи Тюменевтың либреттоһы, ҡуйыусы режиссер Михаил Панджавидзе, дирижер Ариф Дадашев)^[8].

2006 һәм 2008 йылдарҙа Мусоргскийҙың "Үлем йырҙары һәм бейеүҙәре"н һәм Валерий Гергиев етәкселегендәге Лондон симфоник оркестры менән Шостаковичтың 14-се симфонияһында сопрано партияһын башҡара. Шостаковичтың 14-се симфонияһында сопрано партияһын шулай уҡ 2010 йылда Стокгольмда, Венала, Амстердамда (Концертгебау) — Мария театры оркестры, 2011 йылда Валерий Гергиев етәкселегендәге Мюнхен филармонияһы оркестры менән башҡара.

2011 йылда Рихард Штраустың «Шәүләһеҙ ҡатын-ҡыҙ» операһында Барактың ҡатыны партияһын башҡара һәм артабан был проект менән Словения, Рәсәй, Япония һәм Шотландияла (Эдинбург фестивале) гастролдәрҙә була, шулай уҡ был партияны Мехико (Мексика) фестивалендә йырлай. Бынан тыш, «Шәүләһеҙ ҡатын-ҡыҙ» фильм-операһын яҙҙырыуҙа ҡатнаша, уның презентацияһы Санкт-Петербургта «Аҡ төндәр йондоҙҙары» фестивале сиктәрендә үтә.

Баден-Баденда (Германия), Равеллола (Италия) музыкаль фестивалдәрҙә һәм Пармала (Италия) Верди фестивалендә ҡатнаша, Мәскәүҙә, Лондонда, Манчестерҙа һәм Гонконгта гастролдәрҙә була.

Мария театрындағы репертуары:

Шулай уҡ репертуарында партиялар:

• Валли («Валли»),
• Тамара («Демон»),
• Наташа («Русалка»),
• сопрано Шостаковичтың 14-се симфонияһында.

• Рәсәйҙең атҡаҙанған артисы (2008)^[2];
• Елена Образцованың I халыҡ-ара йәш опера йырсылары конкурсы лауреаты (Санкт-Петербург, 1999);
• «Күренмәгән Китеж ҡалаһы һәм Феврония ҡыҙ тураһында хикәйәт» спектаклендәге Феврония партияһы өсөн Санкт-Петербургтың «Алтын софит» юғары театр премияһы лауреаты («Музыкаль театрҙа иң яҡшы роль» номинацияһы, 2001)^[9].