Урбаноним
Урбано́ним (урбо́ним) (лат. urbanus — «ҡала») — топоним төрө. Ҡала эсендәге топографик объекттың атамаһы, шул иҫәптән: агороним — ҡала майҙандары һәм баҙарҙар исеме, годоним — урамдар исеме, хороним — айырым бина исеме[1]. Был термин ҡайһы берҙә ойконим йәки астионим урынына ҡулланыла. Урбанонимдарҙы өйрәнеүсе топонимика бүлеге урбанонимика тип атала.
Урбанонимдар йыйылмаһы урбанонимия тип атала. Атамалар ансамблдәре (локаль берләшкән һәм дөйөм коннотация менән бәйле географик атамалар комплексы), ҡағиҙә булараҡ, урбанонимияла махсус рәүештә булдырыла; улар ҡала микрорайонын характерлай һәм йыш ҡына мемориал булып тора. Мәҫәлән: Мәскәүҙә 1812 йылғы мемориал: Кутузов проспекты, Генерал Ермолов урамы, Денис Давыдов урамы, Раевский урамы, Сеславинская урамы, Поклонная тыҡрығы, Бородино күпере, «Кутузовская», «Багратионовская» метро станциялары.
Урбанонимдарға миҫалдар
- Ҡыҙыл майҙан
- Оло Ордынка урамы
- Тракторсылар тыҡрығы
- Онега торлаҡ комплексы
- Кесе театр
- Аҡ йорт
Иң билдәле (минималь ҡаралған ҡала сиктәрендә) урбанонимдар халыҡ тарафынан ҡала буйынса ориентирҙар өсөн киң ҡулланыла, шулай уҡ ҡала транспорты маршруттарын атағанда йыш ҡулланыла, мәҫәлән: «Үҙәк мәҙәниәт һәм ял паркы — Тимер юл вокзалы» трамвай маршруты.
Коммерция компаниялары, хеҙмәтләндереү предприятиелары һәм төрлө конторалар йыш ҡына үҙҙәренең урынлашҡан адрестарын өҫтәй, әгәр фирманың адресындағы урам исеме киң билдәле булмаһа («Офис Красная Горка районында … адресы буйынса урынлашҡан»).
Шулай уҡ ҡарағыҙ
Иҫкәрмәләр
- ↑ Подольская, 1988, с. 139
Әҙәбиәт
- Подольская Н. В. Словарь русской ономастической терминологии.Изд. 2-е, перераб. и доп. / А. В. Суперанская. — М.: Наука, 1988. — 192 с. с. — ISBN 5-256-00317-8.
