Шөғәйепов Хәсән Баймөхәмәт улы
Шөғәйепов Хәсән Баймөхәмәт улы (рус. Шугаипов Хасан Баймухаметович) (1921 йыл[1] — 22 март 1943 йыл (башҡа сығанаҡ буйынса 24 февралдә[2]) — Бөйөк Ватан һуғышында ҡатнашыусы, өлкән сержант. 112-се Башҡорт кавалерия (16-сы гвардия) дивизияһының миномет полкы яугиры. Дивизия штабы разведчигы (башҡа сығанаҡ буйынса элемтәсе[2]).
Биографияһы
Хәсән Баймөхәмәт улы Шөғәйепов Һамар өлкәһе Оло Чернигов районы Имәләй ауылында тыуған. 1928 йылда Һамар өлкәһе башҡорттары Башҡортостандың Баймаҡ районында (ата-бабалары төйәге) төпләнеп, Үҙән ауылына нигеҙ һалалар[1]. Артабан Шөғәйеповтар ғаиләһе Баймырҙа ауылында[2] йәшәй. Тыуған йылы билдәһеҙ. Бөйөк Ватан һуғышына Башҡорт АССР-ының Баймаҡ районы хәрби комиссариаты тарафынан саҡырыла[3]. 112-се Башҡорт кавалерия дивизияһында (1943 йылдың февраленән 16-сы гвардия кавалерия дивизияһы) 148-се гвардия миномет полкы (ГМП) элемтәсеһе булып хеҙмәт итә. «Память народа» сайтындағы мәғлүмәт буйынса, исемлектән 1943 йылдың 22 мартында һәләк булыуы сәбәпле төшөрөлгән, Ворошиловоград өлкәһе Юлино-2 ҡасабаһында ерләнгән. Әсәһе Г. М. Шөғәйеповаға 1947 йылдың 23 авгусында хәбәр ителгән. Адресы Йылайыр тип күрһәтелгән[3][4]
Иҫкәрмәләр
- ↑ 1 2 Список погибших во Второй мировой войне
- ↑ 1 2 3 Чтобы помнили 2021 йылдың 13 июнь көнөндә архивланған.
- ↑ 1 2 ШУГАИПОВ Хасан
- ↑ Донесения о потерях
Һылтанмалар
- ШУГАИПОВ Хасан. Шаймуратовцы (рус.) (Тикшерелеү көнө: 8 июль 2021)
- Шугаипов Хасан. Донесение о безвозвратных потерях (рус.) (Тикшерелеү көнө: 8 июль 2021)
- Список погибших во Второй мировой войне
| «Башҡорт атлы дивизияһы» порталы |
