Яркалов Алексей Назарович
Яркалов Алексей Назарович (төп исеме — Яркалов Хөснулла Хабибназар улы; 28 декабрь 1920 йыл — 1972 йыл) — Бөйөк Ватан һуғышында ҡатнашыусы, уҡсылар полкының орудие командиры, гвардия өлкән сержанты. Дан орденының тулы кавалеры.
Биографияһы
Алексей Назарович Яркалов (Хөснулла Хабибназар улы Яркалов) 1920 йылдың 28 декабрендә Өфө губернаһының Стәрлетамаҡ өйәҙе[1] Инйылға ауылында крәҫтиән ғаиләһендә тыуа. 7 класты тамамлағандан һуң мамыҡ фабрикаһында слесарь-ремонтсы булып эшләй.
1939 йылдың 19 сентябренән Ҡыҙыл Армия сафында. Бөйөк Ватан һуғышының тәүге көндәренән үк хәрби хәрәкәттәрҙә ҡатнаша. Һуғыш йылдарында биш тапҡыр яралана. 1944 йылдың 4 сентябрендә дошмандың контрһөжүмен кире ҡаҡҡанда 10 дошман һалдатын юҡ итә. 1944 йылдың 16 сентябрендә III дәрәжә Дан ордены менән бүләкләнә. 1944 йылдың 6-7 октябрендә Яркалов етәкселегендәге взвод дошмандың бер танкыһын, өс ут нөктәһен, өс пулемётын һәм 20 гитлерсыны юҡ итә. 1944 йылдың 30 ноябрендә II дәрәжә Дан ордены менән бүләкләнә. 1945 йылдың 14—18 ғинуарында Яркалов командалығында дошмандың 45 һалдаты, дүрт ут нөктәһе һәм ике машинаһы юҡ ителә. 1945 йылдың 29 июнендә I дәрәжә Дан ордены менән бүләкләнә. 1947 йылдың апрелендә демобилизациялана.
Ашхабад ҡалаһында йәшәй. 1948 йылғы ер тетрәү ваҡытында ғаиләһен юғалта. Дүшәмбеләмонтажсы булып эшләй. 1972 йылда вафат була.
Маҡтаулы исемдәре һәм башҡа бүләктәре
- I дәрәжә Дан ордены (№ 1403)[2]
- II дәрәжә Дан ордены (№ 22678)
- III дәрәжә Дан ордены (№ 223464)
- Ҡыҙыл Йондоҙ ордены (1944 йылдың 15 июле)[3]
- «Батырлыҡ өсөн» миҙалы (1943 йылдың 5 ноябре)
- I дәрәжә Ватан һуғышы ордены (1985)[4]
Иҫкәрмәләр
- ↑ Хәҙер Башҡортостан Республикаһының Ғафури районы
- ↑ Документ в базе данных «Подвиг народа».
- ↑ Документ в базе данных «Подвиг народа».
- ↑ ЯРКАЛОВ Алексей Назарович // Башҡорт энциклопедияһы. — Өфө: Башҡорт энциклопедияһы (ғилми-нәшриәт комплексы), 2015—2020. — ISBN 978-5-88185-306-8.
Һылтанмалар
- Яркалов Алексей Назарович // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 26 декабрь 2020)
- Алексей Назарович Яркалов на сайте Герои страны
- Алексей Назарович Яркалов на сайте Министерства обороны РФ
- Алексей Назарович Яркалов на сайте AZ-libr.ру