Үтәғолов Мансур Хәбибрахман улы
Үтәғолов Мансур Хәбибрахман улы (1908 йыл — ?) — педагогик хеҙмәт ветераны, 1941—1945 йылдарҙағы Бөйөк Ватан һуғышында ҡатнашыусы, Рәсәй Федерацияһының атҡаҙанған уҡытыусыһы ().
Биографияһы
Мансур Хәбибрахман улы Үтәғолов — 1907 йылда Өфө губернаһы Бәләбәй өйәҙе Дәүләкән ауылында (хәҙерге Башҡортостан Республикаһының Дәүләкән ҡалаһында) тыуған.
1942 йылдың 12 декабрендә фронтҡа китә. Һуғыш юлын рота элемтәсе-телефонисы булып Дондан башлап Берлин ҡалаһында тамамлай. Белгород һәм Харьков ҡалаларын азат итеүҙә, Курск дуғаһындағы алыштарҙа ҡатнаша. Кобель, Варшава,Лодзь ҡалалары өсөн барған ҡаты һуғыштарҙа, Франкфурт—Одер һәм Берлиндә командованиеға өҙлөкһөҙ бәйләнеш биреп тора, артиллерия уты менән идара итә[1].
Батырлығы
Мансур Хәбибрахман улы Үтәғолов «Хәрби ҡаҙаныштары өсөн» миҙалын 1943 йылдың ҡышында "Харьков операцияһы"нда ҡатнашҡаны өсөн, «Батырлыҡ өсөн» миҙалын Курск дуғаһынндағы алыштар һәм Белград ҡалаһын азат итеүҙә күрһәткән батырлығы өсөн бүләкләнә.
Икенсе «Батырлыҡ өсөн» миҙалына Одесса ҡалаһы өсөн барған һуғыштарҙа күрһәткән батырлығы өсөн лайыҡ була.
Һуғыштан ҡайтҡас, Башҡортостан Республикаһының Дәүләкән ҡалаһының 3-сө һанлы (хәҙер гимназия) башҡорт мәктәбендә математика фәне уҡытыусыһы булып оҙаҡ йылдар эшләй[1].
Маҡтаулы исемдәре һәм башҡа бүләктәре
«Хәрби ҡаҙаныштары өсөн» миҙалы[2] (1943)
«Батырлыҡ өсөн» миҙалы[2] (1945,ғинуар)
Рәсәй Федерацияһының атҡаҙанған уҡытыусыһы ()
Иҫкәрмәләр
- ↑ 1 2 Давлекановский район. «Наши славные педагоги». — Уфа: «Валькирия», 2016 г.. — С. 42.
- ↑ 1 2 Память народа / Утягулов Мансур Хабибрахманович / Документы о награждении
Һылтанмалар
- Давлекановский район. «Наши славные педагоги». — Уфа: «Валькирия», 2016 г.. — С. 42.
- Память народа /Утягулов Мансур Хабибрахманович /Документы о награждении
| «Шәхестәр» порталы |
