Әбдүшев Рәфҡәт Абдулла улы
Әбдүшев Рәфҡәт Абдулла улы (рус. Абдюшев Рафкат Абдуллович) (1923-6.07.1942) — 112-се Башҡорт кавалерия дивизияһының 313-сө кавалерия полкы пулемётсыһы. Сержант[1].
Биографияһы
Рәфҡәт Абдулла улы Әбдүшев 1923 йылда Башҡорт АССР-ының Стәрлетамаҡ кантоны (хәҙер — Башҡортостан Республикаһының Ауырғазы районы) Сәмән ауылында тыуа.
1929 йылда Әбдүшевтәр ғаиләһе Туймазы ҡалаһына күсенә.
Әбдүшев Рәфҡәт 1-се Туймазы урта мәктәбен отличие менән тамамлай.
1941 йылдың көҙөндә Башҡорт АССР-ы Туймазы районы хәрби комиссариаты тарафынан Дим станцияһында формалашҡан 112-се Башҡорт кавалерия дивизияһына Эшсе-Крәҫтиән Ҡыҙыл Армияһы сафына хеҙмәткә алына.
1942 йылдың 1 майынан Брянск фронты 3-сө Армия 8-се гвардия кавалерия корпусына буйһонған 112-се Башҡорт кавалерия дивизияһы 313-сө кавалерия полкы пулемётсыһы[1].
1942 йылдың 6 июлендә ул саҡта Курск өлкәһенә ингән Тербун районында (хәҙер РФ-ның Липецк өлкәһе) 313-сө кавалерия полкы пулемётсыһы сержант Әбдүшев Рәфҡәт Абдулла улы хәбәрһеҙ юғала[2].
1996 йылда эҙәрмәндәр һуғыш барған урындарҙа ҡаҙыныу эштәре алып барып, ҡыҙылармеецтарҙың һөйәктәрен таба һәм 671 яугирҙың исемен асыҡлай. 642-се тип билдәләнгән сержант Әбдүшев Рәфҡәт Абдулла улы ла Липецк өлкәһе Тербуны ауылындағы туғандар ҡәберлегендә ерләнә[3][4].
Хәтер
Әбдүшев Рәфҡәт Абдулла улының исеме Башҡортостанда нәшер ителгән баҫмаларҙа[5] һәм БР-ҙың Туймазы районында Бөйөк Ватан һуғышында ҡатнашыусылар хөрмәтенә ҡуйылған һәйкәлдәге исемлеккә индерелгән.
Әбдүшев Рәфҡәт Абдулла улының исеме шулай уҡ Липецк өлкәһе Тербуны ауылындағы мемориал таҡтаташҡа ла уйылып яҙылған[4][6].
Һылтанмалар
- Шаймуратовцы. Абдюшев Рафкат Абдуллович (рус.) (Тикшерелеү көнө: 22 июль 2021)
- Память народа. Абдюшев Рафкат Абдуллович (рус.) (Тикшерелеү көнө: 22 июль 2021)
- памяти. Абдюшев Рафкат Абдуллович(недоступная ссылка)
- РГБ: Память : Республика Башкортостан : Списки погибших в Велик. Отеч. войне 1941—1945 гг. / Редкол.: Аюпов М. А. (гл. ред.) и др. — Уфа : Китап, 1994 ISBN 5-295-00958-0
- Исследовательская работа: Абдюшев Р. А.
- Братская могила в с. Тербуны
- Мемориал
- Тербунский рубеж
Иҫкәрмәләр
- ↑ 1 2 Шаймуратовцы. Абдюшев Рафкат Абдуллович
- ↑ Память народа. Абдюшев Рафкат Абдуллович
- ↑ Исследовательская работа: Абдюшев Информацию подготовил: Абдюшев Р. Т., поисковик-аналитик, г. Туймазы.
- ↑ 1 2 Братская могила в с. Тербуны
- ↑ РГБ: Память : Республика Башкортостан : Списки погибших в Велик. Отеч. войне 1941—1945 гг. / Редкол.: Аюпов М. А. (гл. ред.) и др. — Уфа : Китап, 1994 ISBN 5-295-00958-0
- ↑ Мемориал
| «Башҡорт атлы дивизияһы» порталы |
