Әбсәләмов Мөслим Бәхтейәр улы

Мөслим Бәхтейәр улы Әбсәләмов (рус. Муслим Бахтиярович Абсалямов; 1932 йылдың 12 июне, Юлдыбай, Башҡорт АССР-ы2009 йылдың 5 июле, Өфө) — уҡытыусы, яҙыусы-прозаик. 1952—1992 йылдарҙа Йылайыр районы Юлдыбай урта мәктәбе уҡытыусыһы. Башҡорт АССР-ы Юғары Советының Почёт грамотаһы менән бүләкләнеүсе һәм БАССР мәктәбенең атҡаҙанған уҡытыусыһы (1983), РСФСР-ҙың халыҡ мәғарифы отличнигы. Юлдыбай ауылының почётлы гражданы.

Биографияһы

Ижады

1970 йылдарҙа әҙәбиәткә килә. «Тәүге бүләк» — беренсе хикәйәләр йыйынтығы 1976 йылда баҫылып сыға[1].

Яҙыусы-прозаиктың күп әҫәрҙәре Бөйөк Ватан һуғышы осоронда һәм унан һуңғы йылдарҙа халҡыбыҙҙың Тыуған илгә, тыуған төйәккә һөйөү тойғоларын, шатлыҡ-ҡайғыларын, ниәт-теләктәрен, үҙ заманының ынтылышарын сағыу буяуҙар менән һүрәтләй. Тыл эшсәндәренең ҡара тир түгеп хеҙмәт итеүен, һуғыш заманының барса һынауҙарын иңендә татыған, иртә өлкәнәйгән үҫмерҙәрҙең яҙмышын күрһәтеп бирә. Геройҙарының патриот тойғоларын, юғары гражданлыҡ рухын халыҡсан һутлы тел менән, тормошсан итеп уҡыусыһына еткерә.

Әҫәрҙәре

  • Тәүге бүләк. Повестар, хикәйәләр — Өфө: Башҡортостан китап нәшриәте, 1976 — 78 бит.
  • Сонтор бала саҡ. Повесть. — Өфө, Башҡортостан китап нәшриәте, 1983—188 бит.
  • Берләм һуҡмаҡтар. Хикәйәләр — Өфө, Башҡортостан китап нәшриәте, 1989
  • Үрҙәр. Повестар, хикәйәләр. — Өфө, Китап, 1993—288 бит.
  • Бөтә кешеләр ҙә бер туған. Әкиәт. — Өфө, Китап, 1993 — 20 бит.
  • Башыңды юғары тот. Сатирик хикәйәләр. — Өфө, Китап, 1997.
  • Тыуған илем, Ватаным. Әкиәт. — Өфө, Китап, 2002.
  • Хәлфә. Роман — Өфө, Китап, 2004.

Маҡтаулы исемдәре һәм башҡа бүләктәре

  • Башҡорт АССР-ы Юғары Советының Почёт грамотаһы
  • Башҡорт АССР-ы мәктәбенең атҡаҙанған уҡытыусыһы (1983)
  • РСФСР-ҙың халыҡ мәғарифы отличнигы
  • Юлдыбай ауылының почётлы гражданы.

Хәтер

Иҫкәрмәләр

  1. 1 2 3 4 М. Х. Иҙелбаев. Әбсәләмов Мөслим Бәхтейәр улы (башҡ.). «Башҡортостан» төбәк интерактив энциклопедик порталы (12 ноябрь 2019). Мөрәжәғәт итеү датаһы: 10 февраль 2026. (баш.)

Сығанаҡтар

  • Писатели земли башкирской. Справочник / (сост.: Р. Н. Баимов, Г. Н. Гареева, Р. Х. Тимергалина). Переработанное и дополненное второе издание. — Уфа: Китап, 2015. — 672 с. ISBN 978-5-295-06338-1 (рус.)
  • Писатели земли башкирской. Справочник / Сост.: Р. Н. Баимов, Г. Н. Гареева, Р. Х. Тимергалина. — Уфа: Китап, 2006. — 496 с. (рус.)
  • Ғәйнуллин М. Ф., Хөсәйенов Ғ.Б. Совет Башҡортостаны яҙыусылары. Биобиблиографик белешмә. Тулыландырылған, төҙәтелгән икенсе баҫма. — Өфө: Башҡортостан китап нәшриәте, 1988. — 400 бит.
  • Гайнуллин М. Ф., Хусаинов Г. Б. Писатели Советской Башкирии. Биобиблиографический справочник / Оформление А. Королевского. — Уфа: Башкирское книжное издательство, 1977. — 416 стр. (рус.)