Аскин Ғәйфетдин Ғәфиәт улы

Файл:Аскин Гайфутдин.jpg

Ғәйфетдин Ғәфиәт улы Аскин

Гражданлығы	СССР  Рәсәй
Хеҙмәт итеүе	СССР
Маҡтаулы исемдәре һәм башҡа бүләктәре
Сәйәси фирҡә ағзаһы	Советтар Союзы Коммунистар партияһы
Заты	ир-ат
Һуғыш/алыш	Бөйөк Ватан һуғышы
Тыуған көнө	10 октябрь 1924({{padleft:1924|4|0}}-{{padleft:10|2|0}}-{{padleft:10|2|0}})
Вафат булған көнө	27 сентябрь 2007({{padleft:2007|4|0}}-{{padleft:9|2|0}}-{{padleft:27|2|0}}) (82 йәш)
Вафат булған урыны	Сураш ауылы, Байгилде ауыл Советы, Нуриман районы, Башҡортостан Республикаhы, Рәсәй
Тыуған урыны	Сураш ауылы, Байгилде ауыл Советы, Нуриман районы

Аскин Ғәйфетдин Ғәфиәт улы (10 октябрь 1924 йыл — 27 сентябрь 2007 йыл) — Бөйөк Ватан һуғышында ҡатнашҡан яугир, артиллерия полкының орудие командиры, гвардия сержанты. Советтар Союзы Геройы (1945). Нуриман районының почётлы гражданы (2000).

Биографияһы

Ғәйфетдин Ғәфиәт улы Аскин 1924 йылдың 10 октябрендә Өфө кантоны (хәҙерге Башҡортостан Республикаһы Нуриман районы) Сураш ауылында тыуған. ФЗО-ны тамамлғандан һуң Өфө нефть эшкәртеү заводында оператор ярҙамсыһы булып эшләй.

1942 йылдан алып — Ҡыҙыл Армияла.

1943 йылдан башлап Дала, Воронеж, 2-се, 3-сө һәм 1-се Украин фронттарында хеҙмəт итə.

1945 йылда демобилизациялана.

Һуғыштан һуңғы йылдарҙа Ғәйфетдин Аскин тыуған яҡтарына ҡайта һәм Нуриман районы Укәрле ауыл Советы рәйесе булып эшләй (1946), артабан Нуриман МТС зонаһы буйынса КПСС-тың Нуриман районы комитеты секретары итеп тәғәйенләнә (1954—1957), һуңғараҡ район Советы башҡарма комитетында эшләй. Аҙаҡҡы йылдарҙа үҙенең тыуған ауылында — Башҡортостандың Нуриман районы Сураш ауылында йәшәй.

2007 йылда вафат була.

Батырлығы

«Советтар Союзы Геройы» исеме Аскин Ғәйфетдин Ғәфиәт улына 1945 йылдың 27 июнендә бирелә. 43-сө гвардия артиллерия полкы орудиеһы командиры гвардия сержанты Аскин Ғәйфетдин 1945 йылдың 12 ғинуарында Висла йылғаһы янындағы Сандомир плацдармындағы ҡаты һуғыштарҙа һәм бер нисә көндән һуң, 21 ғинуарҙа, Оппельн ҡалаһынан төньяҡтараҡ Одер йылғаһы аша сыҡҡанда айырыуса батырлыҡ күрһәтә. 12 ғинуарҙа ул өс пулемет һәм 40 дошман һалдатын юҡ итһә, 21 ғинуарҙа уның етәкселегендәге расчет Польша территорияһында Одер йылғаһын тәүгеләрҙән булып аша сыға һәм бер нисә дошман атакаһын кире ҡағыуға өлгәшә. 25 ғинуарҙа батарея составы, ҡамауға эләгеп, тулыһынса тиерлек һәләк була, гвардия сержанты Аскин бер орудиенан икенсе орудиеға күсеп, уҡсылар подразделениелары килеп еткәнгәнгә тиклем, бер нисә контратаканы кире ҡағыуҙа ҡатнаша.

Маҡтаулы исемдәре һәм башҡа бүләктәре

• «Алтын Йондоҙ» миҙалы (27.06.1945)
• Ленин ордены (27.06.1945)
• Ике I дәрәжә Ватан һуғышы ордены (04.05.1945; 06.04.1985)
• Ҡыҙыл Йондоҙ ордены (08.02.1944)
• Нуриман районының почётлы гражданы (2000).

Хәтер

— Нуриман районы Ҡыҙыл Шишмә ауылында Аскин Ғәйфетдин исемен бер урам йөрөтә;

— Ғ. Ғ. Аскин уҡыған мәктәп бинаһына уның иҫтәлегенә мемориаль таҡтаташ ҡуйылған.

Әҙәбиәт

• Славные сыны Башкирии (очерки о Героях Советского Союза, полных кавалерах ордена Славы). — Уфа: Башкнигоиздат, 1965—1985. — Т. в 5 кн..
• Военная история башкир. Энциклопедия. Уфа, «Башкирская энциклопедия», 2013, 32-33 биттәр

Һылтанмалар

• Аскин Ғәйфетдин Ғәфиәт улы  (билдәһеҙ). «Герои страны» сайты.
• Аскин Ғәйфетдин Ғәфиәт улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.
• Аскин Ғәйфетдин Ғәфиәт улы  (урыҫ). Республика Хәрби Дан музейы. Дата обращения: 3 июнь 2015.