Батыев Сәлих Ғилемхан улы

Сәлих Fилемхан улы Батыев 1911 йылдың 11 (24) ноябрендә Рәсәй империяһы Өфө губернаһы Бәләбәй өйәҙе^[1] Яңы Дөмәй ауылында башҡорт ғәиләһендә тыуған^[2]. Үҫмер йылдарынан уҡ йәмәғәт эштәрендә әүҙем ҡатнаша, тыуған ауылында тәүге комсомол ячейкаһын ойоштороусыларҙың береһе була.

1930—1931 йылдарҙа ВКП(б)-ның Башҡорт АССР-ы Баҡалы район комитетында пропагандист булып эшләй. 1931 йылда Ҡазанда финанс-экономика институтына инә, өсөнсө курста партия саҡырыуына яуап итеп, уҡыуын ҡалдыра һәм комсомол органдарында эш башлай: 1933—1936 йылдарҙа Татар АССР-ының ул саҡтағы Аҡташ районында МТС начальнигының комсомол эштәре буйынса ярҙамсыһы, артабан ВЛКСМ-дың Арса район комитеты секретары була. 1935 йылда партия өлкә комитетының беренсе секретары Лепа тәҡдиме менән 25 йәшлек Сәлих Батыев ВЛКСМ-дың Татарстан өлкә комитетына бүлек мөдире теп үрләтелә.

• 1937—1943 й. — Ҡазан химия-технология институты уҡытыусыһы
• 1943—1950 й. — Татар АССР-ы Министрҙар Советы рәйесе урынбаҫары
• 1950—1951 й. — ВКП(б) Үҙәк Комитеты инструкторы
• 1951—1957 й. — КПСС-тың Татарстан өлкә комитеты секретары
• 1957—1960 й. — КПСС-тың Татарстан өлкә комитетының икенсе секретары
• 1960—1983 й. — Татар АССР-ы Юғары Советы Президиумы Рәйесе, РСФСР-ҙың Юғары Советы Президиумы Рәйесе урынбаҫары.

• Романов В. Он был достойным сыном двух братских народов (К 105-летию со дня рождения выдающегося государственного деятеля Салиха Батыева). «Башинформ» мәғлүмәт агентлығы, 2016, 11 ноябрь^[3].