Биккенә Иҫәнов
| Биккенә Иҫәнов | |
|---|---|
| Тыуған көнө | 1779 |
| Тыуған урыны | Ырымбур губернаһы, Мырҙалар улусы, Илтәй ауылы |
| Вафат булған көнө | билдәһеҙ |
| Вафат булған урыны | билдәһеҙ |
| Хеҙмәт иткән урыны |
 Рәсәй империяһы |
| Хеҙмәт итеү йылдары |
|
| Хәрби звание | урядник |
| Хәрби алыш/һуғыштар |
1812 йылғы Ватан һуғышы, Рус армияһының сит илгә походтары (1813—1814) |
Биккенә Иҫәнов (1779—?) — хәрби эшмәкәр. 1812 йылғы Ватан һуғышында һәм 1813—1814 йылдарҙағы Рус армияһының сит илгә походтарында ҡатнашыусы.
Биографияһы
Биккенә Иҫәнов (Биккенә Иҫән улы Таңғатаров) Ырымбур губернаһы Мырҙалар улусы (хәҙерге Башҡортостан Республикаһының Салауат районы) Илтәй ауылында йәшәгән[1].
1812 йылғы Ватан һуғышы башланғас, 1814 йылдың аҙағына тиклем4-се Башҡорт атлы полкы составында француздарға ҡаршы алыштарҙа ҡатнаша. 4-се Башҡорт атлы полкы 12-се, 8-се, 5-се һәм 4-се кантон башҡорттарынан ойошторола һәм 1812 йылдың 25 июлендә Түбәнге Новгородҡа бара. 3 ноябрҙә полк Волконскийҙың отряды менән бергә Витгенштейн корпусына керә, 14-16 ноябрендә Березина буйындағы алыштарҙа ҡатнаша. Рус армияһының сит илгә походтары барышында Лейпциг һәм Дрезден янындағы алыштарҙа ҡатнаша. 1813 йылдың декабрендә Богемия армияһының Төп фатиры ҡарамағында хеҙмәт итә. 1814 йылдың 19 мартында союздаш ғәскәрҙәре составында 4-се Башҡорт атлы полкы Парижға инә[2].
Бүләктәре
- «1812 йылғы һуғыш иҫтәлегенә» көмөш миҙалы кавалеры
- «1814 йылдың 19 мартында Парижды алған өсөн» көмөш миҙалы кавалеры
Иҫкәрмәләр
- ↑ Гатиятуллин З. Г. Башкиры 8-го кантона в Отечественной войне 1812 г // Ватандаш : журнал. — 2013. — № 1. — ISSN 1683-3554.
- ↑ Рахимов Р. Н., 2012, с. 393
Әҙәбиәт
- Асфатуллин С. Г. Северные амуры в Отечественной войне 1812 года. — Уфа: Уфимский полиграфкомбинат, 2000. — 160 с. — ISBN 5-85051-181-4.
- Вклад Башкирии в победу России в Отечественной войне 1812 года. Сборник документов и материалов / сост. Р. Н. Рахимов [и др.]. — Уфа: Китап, 2012. — 488 с. — ISBN 978-5-295-05476-1.
- Усманов А. Н. Башкирский народ в Отечественной войне 1812 года. — Уфа: Башкнигоиздат, 1964. — 136 с.