Илһамов Тамерлан Айсар улы
| Тыуған урыны | |
|---|---|
| Һөнәр төрө | хәрби хеҙмәткәр |
| Вафат булған көнө | 4 июль 2022 (28 йәш) |
| Заты | ир-ат |
| Хәрби звание | прапорщик |
| Ерләнгән урыны | |
| Тыуған көнө | 22 июнь 1994 |
| Вафат булған урыны | |
| Маҡтаулы исемдәре һәм башҡа бүләктәре |
    |
| Юғалтыуҙың хәрби классификацияһы | яуҙа һәләк була[d] |
| Һуғыш/алыш |
Илһамов Тамерлан Айсар улы[1] (22 июнь 1994 йыл — 4 июль 2022 йыл) — гвардия зенит ракета полкының зенит батареяһы хәрби расчет командиры, гвардия прапорщигы. Рәсәй Федерацияһы Геройы (2022).[2]
Биографияһы
Тамерлан Илһамов 1994 йылдың 22 июнендә Башҡортостан Республикаһының Әбйәлил районы Асҡар ауылында тыуған. 2009—2011 йылдарҙа Советтар Союзы Геройы, генерал-майор Таһир Кусимов исемендәге урындағы гимназияла уҡый. 2011 йылда Башҡорт дәүләт университеты (хәҙер — Өфө фән һәм технологиялар университеты) Сибай филиалының юридик факультетына уҡырға инә. 2012 йылдың декабрендә үҙ теләге менән хәрби хеҙмәткә китә, 2014 йылдың мартында хәрби хеҙмәт үтеүе тураһында контрактҡа ҡул ҡуя. Гвардия зенит ракетаһы полкының зенит ракетаһы батареяһы хәрби расчетының командиры булып хеҙмәт итә. Сүриәлә, Таджикстанда була. Бер үк ваҡытта Сервноводскиҙа аграр-техник колледжда «ауыл хужалығын механизациялау» һөнәре буйынса белем ала һәм уны 2019 йылда тамамлай.
Хәрби эшмәкәрлеге
2022 йылдың 24 февраленән үҙенең подразделениеһы составында Украиналағы махсус хәрби операцияла ҡатнаша. Рәсәй киң мәғлүмәт саралары белдереүенсә, Илһамовтың расчеты 4 июлдә хәрби дежурство ваҡытында, Украина хәрби көстәренең авиаһөжүме Рәсәй хәрби позицияларына барып етмәһен өсөн, уларға ҡаршы ут аса һәм һөжүмде үҙенә ҡабул итә. Дошмандың 9 ракетаһын бәреп төшөрәләр, әммә позиция алмаштырғанда 2 ракета беҙҙең ЗРК-ға эләгә. Илһамов һәм уның хеҙмәттәштәре һәләк була.[3][4][5]
2022 йылдың 13 июлендә Әбйәлил районында тыуған Аскар ауылында ерләнә.
Үлгәндән һуң Рәсәй Президенты Указына ярашлы (ябыҡ указ), Рәсәй Геройы исеме бирелә.
Награда Өфөлә Илһамовтың ата-әсәһенә тапшырыла.
Наградалары һәм ҡаҙаныштары
- Рәсәй Федерацияһы Геройы (2022)
- «Ҡаһарманлыҡ өсөн» миҙалы (2022)[6]
- 2-се дәрәжә «Хәрби фиҙаҡәрелеге өсөн» миҙалы (2017)[6]
- «Сүриәләге хәрби операцияла ҡатнашыусы» миҙалы (2017)[6]
Хәтер
2022 йылдың 1 сентябрендә Әбйәлил районының Аскар ауылында Советтар Союзы Геройы Тагир Кусимов исемендәге гимназия бинаһына Рәсәй Геройы Тамерлан Илһамовҡа мемориаль таҡтаташ ҡуйыла.[7]
Өфө фән һәм технологиялар университетының (БДУ) Сибай филиалына Тамерлан Илһамов исемен биреү планлаштырыла.
«Марка» акционерҙар йәмғиәте Тамрлан Илһамов, хәрби күренеш һәм «Алтын йондоҙ» миҙалы төшөрөлгән почта маркаһы сығара (2022).
Иҫкәрмәләр
- ↑ Радий Хабиров напомнил о патриотическом воспитании в школах. tuvest.ru. Дата обращения: 6 сентябрь 2022.
- ↑ Звания Героев России посмертно присвоили двум военнослужащим из Башкирии, rbc.ru.
- ↑ БГУ могут присвоить имя погибшего на Украине Тамерлана Ильгамова. Дата обращения: 3 ноябрь 2022. Архивировано 3 ноябрь 2022 года.
- ↑ «Ильгамов Тамерлан Айсарович». Дата обращения: 3 ноябрь 2022. Архивировано 3 ноябрь 2022 года.
- ↑ «Два уроженца Башкирии удостоены звания Героя России». Дата обращения: 3 ноябрь 2022. Архивировано 3 ноябрь 2022 года.
- ↑ 6,0 6,1 6,2 В Аскаровской школе Абзелиловского района Башкирии увековечили имя Героя России Тамерлана Ильгамова. www.bashinform.ru. Дата обращения: 6 сентябрь 2022. Архивировано 2 сентябрь 2022 года.
- ↑ Фотография мемориальной доски
