Йөрәктау (Стәрлетамаҡ районы)
| Ауыл | |||
| Йөрәктау | |||
|---|---|---|---|
| Йөрәктау | |||
| 53°44′33″ с. ш. 56°07′40″ в. д.HGЯO | |||
| Ил |
 Рәсәй Федерацияһы |
||
| Федерация субъекты | Башҡортостан | ||
| Муниципаль район | Стәрлетамаҡ районы | ||
| Тарихы һәм географияһы | |||
| Сәғәт бүлкәте | UTC+6:00 | ||
| Халҡы | |||
| Халҡы | |||
| Һанлы идентификаторҙар | |||
| Почта индексы | 453154 | ||
| Автомобиль коды | 02, 102 | ||
| ОКАТО коды | 80 249 812 006 | ||
| ОКТМО коды | 80 649 412 126 | ||
|
|
|||
.svg)
Йөрәктау (рус. Юрактау) — Башҡортостандың Стәрлетамаҡ районындағы ауыл. 2009 йылдың 1 ғинуарына ҡарата халыҡ һаны 227 кеше[2]. Почта индексы — 453154, ОКАТО коды — 80249812006. ОКТМО коды — 80649412126. ИФНС коды — 0268.
Тарихы
Ауыл атамаһы яҡын ғына урынлашҡан тау исеменән алынған. XVIII быуат башында Ағиҙелдең уң ярында Стәрлетамаҡтан көньяҡ-көнсығышҡа табан урынлашҡан был ауыл Бөтә Рәсәй V рәүиз документтарында Йөрәктау-Мокшино булараҡ теркәлә. Ул заманда тораҡ пунктында аҫаба башҡорттар, уларҙың припущинниктары-типтәрҙәр һәм суҡындырылған сыуаштар йәшәй. 163 аҫаба башҡорт 35 ихатаны, 36 ерһеҙ башҡорт - 5, 24 типтәр - 4, 90 сыуаш 12 ихатаны биләй. 1859 йылда үткәрелгән X халыҡ иҫәбен алыу документтарында Стәрлетамаҡ өйәҙе XXVII Башҡорт кантонының 7-се йортонда йәшәгән 25 ир-егеттең исемлеге лә бирелә[3].
Юрматы олоҫоноң Ҡармыш түбәһе башҡорттары 1764 һәм 1776 йылдарҙа үҙҙәренең аҫаба ерҙәренә типтәрҙәрҙе индерә, уларҙан тыш ауылда яһаҡ татарҙары ла йәшәй, яһаҡ татарҙарының 14-е 1773—1775 йылдарҙағы Крәҫтиәндәр һуғышында ҡатнашыуы билдәле.
1920 йылда 69 ихатанан торған ауылда 349 кеше йәшәй[3].
Халыҡ һаны
| Дөйөм халыҡ һаны[2] | |||||
| Халыҡ һаны | 2002—2009 халыҡ үҙгәреше | ||||
| 2002 | 2009 | кеше | % | ||
| 175 | 227 | +52 | +29,71 | ||
Географик урыны
- Район үҙәгенә тиклем (Стәрлетамаҡ): 28 км
- Ауыл советы үҙәгенә тиклем (Алатана): 3 км
- Яҡындағы тимер юл станцияһы (Стәрлетамаҡ): 28 км
Урамдары
- Яр (урамы) (рус. Береговая (улица))
- Тыныслыҡ (урамы) (рус. Мира (улица))
- Яр буйы (урамы) (рус. Набережная (улица))
- Шоссе (урамы) (рус. Шоссейная (улица))
Билдәле шәхестәр
- Ғәлекәйев Ҡотлозаман — 1812 йылғы Ватан һуғышы яугиры, "1812 йылғы Ватан һуғышын иҫкә алыу" миҙалы кавалеры[3].
- Мирзанов Бәхтейәр Ғүмәр улы (10.11.1892—17.07.1941) — уҡытыусы, шағир һәм журналист[4].
Иҫкәрмәләр
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ 2,0 2,1 Башҡортостан Республикаһының райондары буйынса белешмә китабы 2016 йылдың 4 март көнөндә архивланған.
- ↑ 3,0 3,1 3,2 Коллектив авторов. История башкирских родов. Юрматы. / Хамидуллин С. И.. — Уфа: Китап, 2018. — Т. 30, часть 1. — С. 183. — 840 с. — 2 000 экз. — ISBN 978-5-295-06968-0.
- ↑ Башҡорт энциклопедияһы — Мирзанов Бәхтейәр Ғүмәр улы 2016 йылдың 21 апрель көнөндә архивланған. (Тикшерелеү көнө: 7 ноябрь 2017)
Сығанаҡтар
1. История башкирских родов. Юрматы. Уфа. изд. "Китап", 2018, стр. 840., 2 000 экз."
.png)
