Лесин Василий Николаевич
Лесин Василий Николаевич (1 февраль 1943 йыл — 13 май 2020 йыл) — СССР һәм Рәсәй рәссамы, график. 1975 йылдан СССР Рәссамдар союзы ағзаһы. Рәсәй Федерацияһының (2008) һәм Башҡортостан Республикаһының (2001) атҡаҙанған рәссамы.
Биографияһы
Василий Николаевич Лесин 1943 йылдың 1 февралендә Башҡорт АССР‑ының Благовар районы Васильцовка ауылында тыуған.
1967 йылда Серго Орджоникидзе исемендәге Өфө авиация институтын тамамлай.
Бала саҡтан һүрәт төшөрөү менән мауыға. Өфөлә Серго Орджоникидзе исемендәге мәҙәниәт һарайында һынлы сәнғәт студияһында шөғөлләнә. Өфө авиация институтын тамамлағандан һуң, Силәбелә юғары авиация училищеһында хеҙмәт итеп, Силәбе механик заводының һынлы сәнғәт студияһында (педагогы — акварелсе Николай Петрович Богомолов) шөғөлләнә.
Өфөлә йәшәй һәм эшләй. «Инйәр» ижади төркөмө ағзаһы (1989—1993).
В. Н. Лесин ижады жанр йүнәлештәре буйынса төрлө: пейзаж, портрет, натюрморт, сюжет-тематик картиналар.
Рәссамдың картиналары:
- М. В. Нестеров исемендәге Башҡорт дәүләт художество музейында (Өфө),
- Татарстан Республикаһының дәүләт һынлы сәнғәт музейында (Ҡазан),
- Төркмәнстан дәүләт һынлы сәнғәт музейында (Бишкәк),
- Сыуаш дәүләт художество музейында (Чебоксар),
- Удмурт республикаһының һынлы сәнғәт музейында (Ижевск),
- Карелия Республикаһы дәүләт һынлы сәнғәт музейында (Петрозаводск),
- Магнитогорск картина галереяһында (Рәсәй Федерацияһының Силәбе өлкәһе),
- Дондағы Ростов һынлы сәнғәт музейында һаҡлана
Василий Николаевич Лесин 2020 йылдың 13 майында Өфө ҡалаһында вафат булды[1].
Ҡатнашҡан күргәҙмәләре
Василий Лесин 1972 йылдан алып — республика, зона, төбәк, Бөтә Союз, Бөтә Рәсәй, халыҡ-ара һәм сит ил күргәҙмәләре ҡатнашыусыһы.
Төп эштәре
Лето. Страда (1976), Зима. Триптих (1978), Искушение (1988), К весне (1994), Созерцание (1990), Зима — I. Триптих (1984), Космическое путешествие (1991), Рождение (1990), Тундра (2005), Мир снегов (1993), Двойной натюрморт (2005), Солнечный день (1992), Триумфальное шествие. Триптих «Крылатые» (1988), Голоса птиц. Триптих «Крылатые» (1989), Райские яблоки (1996), Рождение цыпленка. Триптих «Крылатые» (1988), Весенний лес (2006) һәм башҡалар.
Маҡтаулы исемдәре һәм башҡа бүләктәре
- Рәсәй Федерацияһының атҡаҙанған рәссамы (2008)
- Башҡортостан Республикаһының атҡаҙанған рәссамы (2001)
- Икенсе бойондороҡһоҙ халыҡ-ара графика «Белые Интерночи» Биеннале дипломы (2004; Санкт-Петербург).
Иҫкәрмәләр
- ↑ В Уфе скончался заслуженный художник России и Башкортостана Василий Лесин. ИА «Башинформ», 13 мая 2020 года (рус.) (Тикшерелеү көнө: 13 май 2020)
Һылтанмалар
- Лесин Василий Николаевич // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 30 ғинуар 2021)