Мордовия Арена

2010 йылда Волгоград урамындағы Инсар йылғаһының һыубаҫарлығында урынлашҡан территорияны төҙөлөш майҙансығы өсөн таҙарталар. Саранскиҙа стадион төҙөү тураһында ҡарар Рәсәйҙә донъя чемпионаты үтеүе билдәле булғанға тиклем үк ҡабул ителә. Башта стадионды төҙөүҙе 2012 йылда тамамлау планлаштырыла, асыуҙы ике ваҡиғаға: мордва халҡының Рәсәй дәүләте халыҡтары менән берләшеүенең 1000 йыллығына һәм 2012 йылда бөтә Рәсәй спартакиадаһын үткәреүгә тура килтереү планлаштырыла. План яңынан ҡарала, сөнки ФИФА талаптары буйынса стадиондың һыйҙырышлылығы алдан планлаштырылғанса 28 000 түгел, ә 45 000 кеше булырға тейеш^[4]. Стадионды асыу 2017 йылға кисектерелә. Мордовия Арена стадионын төҙөүгә сығымдар 16,5 миллиард һум тәшкил итер тип планлаштырыла, төҙөүсеһе — «Спорт-Инжиниринг» компанияһы^[5].

Стадион төҙөлөшө бер нисә ғәйәт ҙур ҡала төҙөлөшө мәсьәләләрен хәл итергә мөмкинлек бирә: парк булдырыла, Инсар йылғаһының яры буйы төҙөкләндерелә, торлаҡ район ҡала үҙәге менән тоташтырыла. Ял итеү, байрам һәм күңел асыу саралары өсөн зона булдырыла^[6].

Стадион футбол буйынса донъя 2018 йылғы чемпионаты өсөн махсус проектлана. Һыйҙырышлығы — 44 149 тамашасы. Стадиондың тышҡы ҡиәфәте нигеҙендә боронғо мифтарҙың һәм мордва халҡының легендаларының төп символы булған Ҡояш ята.

Стадиондың үҙенсәлеге уның бәләкәй үлсәмдәрендә. Ҡоролманың тышы сағыу ҡояш төҫөндә биҙәлгән^[7].

Беренсе һынау футбол матчтары

Стадионда беренсе матч 2018 йылдың 21 апрелендә үтә, («Мордовия» ПФЛ беренселеге матчында «Зенит-Ижевск» клубы менән уйнай (0:0))^[8]. 10 мең тамашасы килә^[9], артабанғы матчтарҙа ПФЛ-ға килеү рекорды ике тапҡыр яңыра. 4 майҙа «Камаз» менән матчта (0:1) 22 834 тамашасы була, ә 16 майҙа «Сызрань−2003» футбол клубы менән матчта" (1:0) — 41 057 тамашасы^[10].

Футбол буйынса 2018 йылғы донъя чемпионаты уйындары

Саранскиҙа 2018 йылғы футбол буйынса донъя чемпионатының төркөм этабының 4 матчы үткәрелә. Командалар 2017 йылдың 1 декабрендә үткәрелгән йәрәбәлә билдәле була^[11][12]. Матчтар — мәскәү ваҡыты менән 15:00 сәғәттә ((UTC+3)) башлана.

Башланыу дата һәм ваҡыты (UTC+3)	Команда 1	Иҫәп	Команда 2	Этап	Тамашасылар
16 июнь, 19:00	Перу	0:1	Дания	C төркөмө	40 502[13]
19 июнь, 15:00	Колумбия	1:2	Япония	H төркөмө	40 842[14]
25 июнь, 21:00	Иран	1:1	Португалия	B төркөмө	41 685[15]
28 июнь, 21:00	Панама	1:2	Тунис	G төркөмө	37 168[16]

Стадион Яңы «Юбилейный» биҫтәһендә, Инсар йылғаһының уң ярында, үҙәктән йәйәүлеләр өсөн уңайлы урында урынлашҡан. Тамашасылар стадионға шәхси һәм йәмәғәт транспорты, аэропорттан, тимер юл вокзалынан һәм ҡала ҡунаҡханаларынан махсус автобустар менән барып етә ала^[18]. Стадион аэропорттан 5 км, тимер юл вокзалынан 1,8 км һәм автовокзалдан 4,8 км алыҫлыҡта урынлашҡан. Ҡала инфраструктураһының башҡа төп объекттары, мәҫәлән, ҡунаҡханалар, фан-зона һәм иҫтәлекле урындар, шулай уҡ аренаға яҡын урынлашҡан^[19].